അന്താരാഷ്ട്ര വനിതാ ദിനത്തോടനുബന്ധിച്ച് വീ ക്ലബ്ബിന്റെ നേതൃത്വത്തിൽ ആഘോഷപരിപാടികൾ സംഘടിപ്പിച്ചു

അന്താരാഷ്ട്ര വനിതാ ദിനത്തോടനുബന്ധിച്ച് വീ ക്ലബ്ബിന്റെ നേതൃത്വത്തിൽ ആഘോഷപരിപാടികൾ സംഘടിപ്പിച്ചു. റോട്ടറി ഹാളിൽ നടന്ന പരിപാടി ഗവ ട്രൈബൽ സ്കൂൾ പ്രിൻസിപ്പാൾ രാജി എം ഉത്ഘാടനം നിർവഹിച്ചു.

വീ ക്ലബ്ബ് പ്രസിഡന്റ് മോനിഷ വിശാഖ്, സെക്രട്ടറി ഡോ ലിഷ പി എൽ, ജി.ടെക് സെന്റർ ഡയറക്ടർ ഫാ ജെയിംസ് കുര്യൻ, ബൈജു എബ്രഹാം തുടങ്ങിയവർ ആശംസകളർപ്പിച്ച് സംസാരിച്ചു.

ഫിനാൻഷ്യൽ ലിറ്ററസി & പേർസണാലിറ്റി ഡെവലപ്പ്മെന്റ് എന്ന വിഷയത്തെക്കുറിച്ച് CA ഡെൽമ സെബാസ്റ്റ്യൻ, സൈബർ ക്രൈം & വുമൺ എന്ന വിഷയത്തെക്കുറിച്ച് അഡ്വ. ജിബിൻ ആന്റണി, വുമൺ ഹെൽത്ത് & ഫിറ്റ് നസ് എന്ന വിഷയത്തെക്കുറിച്ച് ഡോ. ലീഷ പി എൽ, മെൻസ്ട്രൽ ഹെൽത്ത് & ഹൈജീനിക് എന്ന വിഷയത്തെകുറിച്ച് അനിറ്റ് ബി മണ്ഡപം എന്നിവർ ക്ലാസുകൾ നയിച്ചു. നൂറോളം വിദ്യാർത്ഥികൾ പങ്കെടുത്തു.

ജി ടെകിന്റെ ആയിരം വനിതകൾക്ക് സൗജന്യ തൊഴിൽ പരിശീലനവും,ജോലിയും നൽകുന്ന പദ്ധതിയുടെ ഉത്ഘാടനവും ഇതിനോടൊപ്പം നടന്നു.