ഇടുക്കി
ഇടുക്കി ; പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച കേസില്‍ യുവാവ് അറസ്റ്റില്‍
ഇടുക്കി: പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച കേസില്‍ യുവാവ് അറസ്റ്റില്‍. മലപ്പുറം പുറമണ്ണൂര്‍ പാലാക്കണ്ണില്‍ മുഹമ്മദ് സാദിഖ് (28) ആണ് അറസ്റ്റിലായത്. സ്വകാര്യ കമ്പനിയില്‍ ഡ്രൈവറായി ജോലി നോക്കിയിരുന്ന സാദിഖ് പെണ്‍കുട്ടിയുമായി പ്രണയബന്ധം സ്ഥാപിച്ചശേഷം പെണ്‍കുട്ടിയെ തട്ടികൊണ്ടുപോയി പിഡീപ്പിക്കുകയായിരുന്നു. പെണ്‍കുട്ടിയെ കാണാനില്ലെന്ന പരാതിയില്‍ പെണ്‍കുട്ടിയുടെ മൊബൈല്‍ ഫോണ്‍ കേന്ദ്രികരിച്ച് നടത്തിയ അന്വേഷണത്തിലാണ് പ്രതി പിടിയിലായത്. മുഹമ്മദ് സാദിഖിനെ കോടതിയില്‍ ഹാജരാക്കി റിമാന്‍ഡ് ചെയ്തു. പെണ്‍കുട്ടിയെ ബന്ധുകള്‍ക്ക് ഒപ്പം വിട്ടയച്ചു.
