ഇടുക്കി ഡാം ടോപ്പിന് സമീപം അപകടം. ബൈക്ക് യാത്രികന് പരിക്ക്

ഇടുക്കി ഡാം ടോപ്പിന് സമീപം ഇന്ന് രാവിലെ നടന്ന അപകടം. എറണാകുളത്തു നിന്ന് കട്ടപ്പനയിലേക്ക് പോയ ഇന്നോവ കാർ നിയന്ത്രണം വിട്ട് ബൈക്ക് യാത്രക്കാരനെ ഇടിച്ചു വീഴ്ത്തി . അപകടത്തിൽ പരിക്കേറ്റ യാത്രികൻ ഇടുക്കി മെഡിക്കൽ കോളേജിൽ ചികിത്സയിലാണ്.റോഡ് സൈഡിൽ പാർക്ക് ചെയ്ത കാറും ഇന്നോവ ഇടിച്ച് കൊക്കയിൽ തള്ളി. ശേഷം ഇന്നോവ മരത്തിൽ ഇടിച്ചു നിന്നതിനാൽ കൂടുതൽ അപകടങ്ങൾ ഉണ്ടായില്ല. ഇന്നോവയുടെ ഡ്രൈവർ ഉറങ്ങിപ്പോയതാവാം അപകടത്തിന് കാരണമെന്നാണ് നിഗമനം.