പ്രധാന വാര്‍ത്തകള്‍
വ്യവസായിക പരിശീലന വകുപ്പിന്റെ നേതൃത്വത്തില്‍ ജില്ലാതല തൊഴില്‍ മേള 23ന് രാവിലെ 9.30 മുതല്‍ കട്ടപ്പന ഗവ: ഐടിഐയില്‍ നടക്കും
നഗരസഭ ചെയര്‍പേഴ്‌സണ്‍ ഷൈനി സണ്ണി ചെറിയാന്‍ ഉദ്ഘാടനം ചെയ്യും. കൗണ്‍സിലര്‍ ഷാജി കൂത്തോടി അധ്യക്ഷനാകും. മധ്യമേഖല ട്രെയിനിങ് ഇന്‍സ്‌പെക്ടര്‍ പി സനല്‍കുമാര്‍, ഐഎംസി ചെയര്‍മാന്‍ എം പാര്‍വതി, ജയന്‍ പി വിജയന്‍, രാജീസ്‌കുമാര്‍, കെ എഫ് അഭിമന്യു തുടങ്ങിയവര്‍ സംസാരിക്കും. 30ല്‍പ്പരം കമ്പനികളിലേക്ക് ഐടിഐ വിജയിച്ച 80ല്‍പ്പരം ഉദ്യോഗാര്‍ഥികളെ തെരഞ്ഞെടുക്കുമെന്ന് വൈസ് പ്രിന്‍സിപ്പല്‍ ഡബ്ല്യു എ പീറ്റര്‍ സ്റ്റാലിന്‍, സീനിയര്‍ ഇന്‍സ്ട്രക്ടര്‍ എം മുരളീധരന്‍, ടിജു ദേവസ്യ, പി കെ സനില്‍, വര്‍ഗീസ് ലൂക്ക്, പി സി ചന്ദ്രന്‍, എം തുളസീധരന്‍ എന്നിവര്‍ വാര്‍ത്താസമ്മേളനത്തില്‍ അറിയിച്ചു.
