ദർശനയുടെ ആഭിമുഖ്യത്തിൽ ഒക്ടോബർ 4,5,6 തീയതികളിൽ കട്ടപ്പനയിൽ അന്താരാഷ്ട്ര ചലച്ചിത്രമേള നടക്കും

ദർശനയുടെ ആഭിമുഖ്യത്തിൽ ഒക്ടോബർ 4,5,6 തീയതികളിൽ കട്ടപ്പനയിൽ അന്താരാഷ്ട്ര ചലച്ചിത്രമേള നടക്കും. സമീപകാലത്തെ ഏറ്റവും ചർച്ച ചെയ്യപ്പെട്ട മലയാള സിനിമകളായ നിറയെ തത്തകളുള്ള മരം, ചവിട്ട്, ചുരുളി എന്നീ ചിത്രങ്ങളോടൊപ്പം ഇറാൻ, കൊറിയ, ഫ്രാൻസ് എന്നീ രാജ്യങ്ങളിൽ നിന്നുള്ള വിദേശ ചിത്രങ്ങളും പ്രദർശിപ്പിക്കും. സാഗര തിയറ്ററിൽ രാവിലെ 10 മണിക്കും, 12 മണിയ്ക്കുമാണ് പ്രദർശനങ്ങൾ . മേളയുടെ ഡെലിഗേറ്റ് പാസ് വിതരണത്തിൻ്റെ ഉദ്ഘാടനം ഇന്ന് (ബുധൻ) വൈകിട്ട് 6ന് ദർശന ഹാളിൽ എഴുത്തുകാരൻ കെ.ആർ.രാമചന്ദ്രൻ നിർവ്വഹിക്കും.