പ്രധാന വാര്‍ത്തകള്‍
മുതിര്‍ന്ന കോണ്‍ഗ്രസ് നേതാവും മുന്‍ ആലുവ എംഎല്‍എയുമായ കെ മുഹമ്മദലി അന്തരിച്ചു.
കൊച്ചി: മുതിര്‍ന്ന കോണ്‍ഗ്രസ് നേതാവും മുന്‍ ആലുവ എംഎല്‍എയുമായ കെ മുഹമ്മദലി അന്തരിച്ചു. ഇന്ന് രാവിലെ ഏഴ് മണിക്ക് എറണാകുളത്തെ സ്വകാര്യ ആശുപത്രിയിലായിരുന്നു അന്ത്യം.
73 വയസായിരുന്നു. വൃക്ക സംബന്ധമായ അസുഖത്തിന് ചികിത്സയില്‍ കഴിയുകയായിരുന്നു അദ്ദേഹം.
ആറ് തവണ ആലുവ നിയോജക മണ്ഡലത്തില്‍ നിന്ന് നിയമസഭാംഗമായിരുന്നു അദ്ദേഹം. ദീര്‍ഘകാലം എഐസിസി അംഗമായിരുന്ന അദ്ദേഹം കുറച്ച്‌ നാളുകളായി പാര്‍ട്ടിയില്‍ നിന്ന് വിട്ടുനില്‍ക്കുകയായിരുന്നു. വിദേശത്തുള്ള മകന്‍ നാട്ടിലെത്തിയ ശേഷം സംസ്കാരം നടത്തും.
