മാതൃഭൂമിയും ഇമിഗ്രിന്റ് അക്കാദമിയും ചേർന്ന്ഹയർ സെക്കൻഡറി പരീക്ഷയിൽ എല്ലാ വിഷയങ്ങൾക്കും എ.പ്ലസ് നേടിയ വിദ്യാർഥികൾക്ക് അനുമോദനം നൽകുന്നു

കട്ടപ്പന: മാതൃഭൂമിയും ഇമിഗ്രിന്റ് അക്കാദമിയും ചേർന്ന് ഹയർസെക്കൻഡറി പരീക്ഷയിൽ എല്ലാ വിഷയങ്ങൾക്കും എ.പ്ലസ്. നേടിയ വിദ്യാർഥികളെ അനുമോദിക്കുന്നു. ശനിയാഴ്ച രാവിലെ 9.30 ന് കട്ടപ്പന സെന്റ് ജോർജ്ജ് ഹയർ സെക്കൻഡറി സ്‌കൂളിൽ നടക്കുന്ന ചടങ്ങ് ജില്ലാ വികസന കമ്മീഷണർ അർജുൻ പാണ്ഡ്യൻ ഉദ്ഘാടനം ചെയ്യും. വിജയികൾക്ക് മെഡലും,സർട്ടിഫിക്കറ്റും മാതൃഭൂമിയുടെ ഉപഹാരവും ഇടുക്കി ആർ.ഡി.ഒ.കെ.എം.ഷാജി വിതരണം ചെയ്യും.   വിദ്യാർഥികൾ മാർക്ക് ലിസ്റ്റിന്റെ പകർപ്പും തിരിച്ചറിയൽ രേഖയുമായെത്തി രജിസ്റ്റർ ചെയ്യണം.