ചിന്നക്കനാൽ മേഖലയിൽ നിന്ന് കാട്ടാനകൾ പിൻമാറുന്നില്ല..

രാജകുമാരി∙ ചിന്നക്കനാൽ മേഖലയിൽ നിന്ന് കാട്ടാനകൾ പിൻമാറുന്നില്ലെന്നു നാട്ടുകാർ. ബുധനാഴ്ച രാവിലെയാണ് സിങ്കുകണ്ടം സ്വദേശി ബാബു (60)വിനെ വീടിനു സമീപം ഒറ്റയാൻ ആക്രമിച്ചു കൊലപ്പെടുത്തിയത്. ബാബുവിന്റെ മൃതദേഹം ഇന്നലെ സംസ്കരിച്ചു. ഒരു മാസത്തോളമായി കാട്ടാനകൾ വനാതിർത്തികളിൽ ചുറ്റിത്തിരിയുകയാണെന്നു നാട്ടുകാർ പറയുന്നു.

ചിന്നക്കനാൽ സെക്‌ഷൻ ഫോറസ്റ്റ് ഓഫിസിനു കീഴിൽ 8 വാച്ചർമാരെ നിയമിച്ചിട്ടുണ്ടെങ്കിലും കാട്ടാനകളുടെ നീക്കം തിരിച്ചറിയാൻ ഇവർക്കു കഴിഞ്ഞില്ല. മേഖലയിൽ   ദ്രുതപ്രതികരണ സേനയെ സ്ഥിരമായി വിന്യസിക്കണമെന്നാണ് ആവശ്യം.