നാട്ടുവാര്‍ത്തകള്‍
വാര്‍ഷിക പദ്ധതി നിര്‍വഹണം : കുടിവെള്ള പദ്ധതി ഉദ്ഘാടനം സംഘടിപ്പിച്ചു
വെള്ളത്തൂവല്‍ ഗ്രാമപഞ്ചായത്തിലെ അഞ്ചാംവാര്‍ഡില്‍ 2021-22 പദ്ധതിയില്‍ ഉള്‍പ്പെടുത്തി നിര്‍മ്മിച്ച മുതുവാന്‍കുടി മുസ്ലിംപള്ളിപ്പടി കുടിവെള്ള പദ്ധതിയുടെ ഉദ്ഘാടനം വെള്ളത്തൂവല്‍ ഗ്രാമപഞ്ചായത്ത് പ്രസിഡന്റ് മഞ്ചു ബിജു ഉദ്ഘാടന കര്‍മ്മം നിര്‍വ്വഹിച്ചു.വേനല്‍ കനക്കുന്ന ഘട്ടങ്ങളില്‍ കുടിവെള്ള ക്ഷാമം രൂപം കൊള്ളുന്ന പ്രദേശമാണിത്.
പ്രദേശത്ത് കുടിവെള്ള പദ്ധതി യാഥാര്‍ത്ഥ്യമാക്കണമെന്ന ആവശ്യം കുടുംബങ്ങള്‍ നാളുകളായി മുമ്പോട്ട് വച്ചിരുന്നു. 6 കുടുംബങ്ങള്‍ക്കാണ് പ്രധാനമായും കുടിവെള്ളപദ്ധതിയുടെ പ്രയോജനം ലഭിക്കുന്നത്. രണ്ട് ലക്ഷം രൂപ മുടക്കിയാണ് പദ്ധതിയുടെ നിര്‍മ്മാണം പൂര്‍ത്തീകരിച്ചിട്ടുള്ളത്. ഉദ്ഘാടന യോഗത്തില്‍ പൊതുപ്രവര്‍ത്തകനായ എ എം കരിം അധ്യക്ഷത വഹിച്ചു. ഉദ്ഘാടന ചടങ്ങില്‍ പ്രദേശവാസികള്‍ പങ്കെടുത്തു.
