ചൈനയിലും ഒമിക്രോൺ സ്ഥിരീകരിച്ചു; ആദ്യ മരണം യുകെയിൽ

ബെയ്ജിങ്∙ കൊറോണ വൈറസിന്റെ പുതിയ വകഭേദമായ ഒമിക്രോൺ ചൈനയിലും സ്ഥിരീകരിച്ചു. വടക്കൻ ചൈനയിലെ തുറമുഖ നഗരമായ ടിയാൻജിനിലാണ് രോഗം സ്ഥിരീകരിച്ചത്. ഡിസംബർ 9ന് വിദേശത്തുനിന്നെത്തിയ യാത്രികനാണ് രോഗബാധ. ഇയാൾ ആശുപത്രിയിൽ ചികിത്സയിലാണെന്ന് ഒരു ചൈനീസ് മാധ്യമം റിപ്പോർട്ട് ചെയ്തു.

അതേസമയം, ആദ്യ ഒമിക്രോൺ മരണം യുകെയിൽ റിപ്പോർട്ട് ചെയ്തു. പ്രധാനമന്ത്രി ബോറിസ് ജോൺസനാണ് ഇക്കാര്യം അറിയിച്ചത്. പുതിയ വകഭേദത്തെ തരണം ചെയ്യാനുള്ള മികച്ച വഴി എല്ലാവരും ബൂസ്റ്റർ ഡോസ് വാക്സീൻ എടുക്കുകയാണെന്നും അദ്ദേഹം വ്യക്തമാക്കി.

English Summary: Mainland China Detects First Omicron Case