പ്രധാന വാര്‍ത്തകള്‍
വാക്സീന്‍ എടുക്കാത്ത അധ്യാപകരുടെ പട്ടിക ഇന്ന് പ്രസിദ്ധീകരിക്കും; ഇവര്‍ ആരെന്ന് സമൂഹം അറിയണം: മന്ത്രി
കോവിഡ് വാക്സീന്‍ എടുക്കാത്ത അധ്യാപകരുടെ പട്ടിക പ്രസിദ്ധീകരിക്കുമെന്ന് വിദ്യാഭ്യാസ മന്ത്രി വി.ശിവന്‍കുട്ടിഅറിയിച്ചു. ആരോഗ്യകാരണങ്ങളല്ലാതെ വാക്സീന്‍സ്വീകരിക്കാന്‍ മടിക്കുന്നവര്‍ക്കതിരെ ശക്തമായ നടപടി സ്വീകരിക്കുന്നതിന്‍റെ ഭാഗമായാണ് പേരുകള്‍ പുറത്തുവിടുന്നത്. വാക്സീന്‍ എടുക്കാത്തവര്‍ എല്ലാ ആഴ്ചയും ആര്‍.ടി.പി.സി.ആര്‍ സര്‍ട്ടിഫിക്റ്റ് ഹാജരാക്കണമെന്ന് നേരത്തെ സര്‍ക്കാര്‍ നിര്‍ദേശം നല്‍കിയിരുന്നു. ആരോഗ്യകാരണങ്ങളില്ലാതെ വാക്സീന്‍ എടുക്കാത്ത അധ്യാപകര്‍ക്കെതിരെ നിലപാട് കടുപ്പിക്കുന്നതിന്‍റെ ഭാഗമായാണ് പേരുവിവരങ്ങള്‍ പ്രസിദ്ധീകരിക്കുന്നത്. ഇക്കാര്യത്തില്‍വിട്ടുവീഴ്ചവേണ്ടെന്ന നിലപാടിലാണ് സര്‍ക്കാര്‍.
