ഇടുക്കി ലൈവും കട്ടപ്പന മം ആൻ്റ് ക്യൂട്ടുംചേർന്ന് നടത്തിയ ഓണം ഫോട്ടോ കോണ്ടസ്റ്റിലെ വിജയികൾക്ക് സമ്മാനങ്ങൾ വിതരണം ചെയ്തു

കട്ടപ്പന കൊല്ലംകുടിയിൽ മം ആൻ്റ് ക്യൂട്ടും ഇടുക്കി ലൈവും ചേർന്ന് നടത്തിയ ഓണം ഫോട്ടോ കോണ്ടസ്റ്റിലെ വിജയികൾക്ക് സമ്മാനങ്ങൾ വിതരണം ചെയ്തു. മം ആൻ്റ് കൂട്ടിൽ വച്ചു നടത്തിയ പരിപാടിയിൽ വിജയികൾക്ക് ക്യാഷ് പ്രൈസ് കൈമാറി. ഓണത്തോടനുബന്ധിച്ച് ഇടുക്കി ലൈവ് ചാനലും കട്ടപ്പന കൊല്ലംകുടിയിൽ മം ആൻഡ് ക്യൂട്ടും ചേർന്നാണ് ഓണം ഫോട്ടോ കോണ്ടസ്റ്റ് സംഘടിപ്പിച്ചത്. ഓണവുമായി ബന്ധപ്പെട്ട സുന്ദര മുഹൂർത്തങ്ങളാണ് മത്സരത്തിൽ ഉൾപ്പെടുത്തിയത്. ആയിരത്തോളം പേർ പങ്കെടുത്ത മത്സരത്തിൽ കൂടുതൽ ലൈക്കുകളുടെയും ഫോട്ടോയുടെ മികവിൻ്റേയും അടിസ്ഥാനത്തിലാണ് വിജയികളെ തെരഞ്ഞെടുത്തത്. മം ആൻ്റ് കൂട്ടിൽ വെച്ചു നടത്തിയ പരിപാടിയിൽ നഗരസഭാ കൗൺസിലർ സോണിയ ജെയ്ബി, മം ആൻഡ് ക്യൂട്ട് മാനേജിങ് ഡയറക്ടർ ജിതിൻ
കൊല്ലംകുടി. ഹാപ്പി ലേണിങ്സ് എം.ഡി സിൻസ് ജോസ് , ഇടുക്കി ലൈവ് ന്യൂസ് ചീഫ് എസ്.സൂര്യലാൽ, പ്രോഗ്രാം ചീഫ് വിപിൻ വിജയൻ,സീനിയർ റിപ്പോർട്ടർ ജെയ്ബി, കട്ടപ്പന റിപ്പോർട്ടർ രാഹുൽ അമ്പാടി തുടങ്ങിയവർ പങ്കെടുത്തു. ഒന്നാം സ്ഥാനം കട്ടപ്പന
ഊട്ടുകുളത്തിൽ സിനി, ജിയോ തോമസ് ദമ്പതികളുടെ മകളായ ആനവിലാസം സെൻറ് ജോർജ് യു.പി സ്കൂളിലെ ഒന്നാം ക്ലാസ് വിദ്യാർഥിനി ജിയന്നാ ജിയോയ്ക്ക് നഗരസഭാ കൗൺസിലർ സോണിയ ജെയ്ബി ക്യാഷ് പ്രൈസ് കൈമാറി. രണ്ടാം സമ്മാനം നേടിയ ചെമ്പകപ്പാറ കുപ്പയ്ക്കൽ സനു. കെ.മാത്യുവിൻ്റെയും മിനിമോൾ ജോസഫിൻ്റെയും ഒന്നര വയസ്സുള്ള മകൻ സാൻവിൻ സാനുവിന് ജിതിൻ കൊല്ലംകുടി ക്യാഷ് പ്രൈസ് വിതരണംചെയ്തു.മൂന്നാം സമ്മാനം ലഭിച്ച മേരികുളം ആലാനിക്കൽ ജിൻ്റോയുടെയും ബ്രൈറ്റിയുടെയും മകളായ മേരികുളം സെൻ്റ് മേരിസ് സ്കൂളിലെ മൂന്നാം ക്ലാസ് വിദ്യാർഥിനി ആരാധ്യ മറിയത്തിന് സിൻസ് ജോസ് ക്യാഷ് പ്രൈസ് കൈമാറി. രണ്ടാം സമ്മാനർഹനായ സാൻവിന് ലഭിച്ച സമ്മാനതുക അശരണർക്ക് ഉപയോഗപ്പെടുത്തുന്നതിനായി സാൻവിൻ്റെ മാതാപിതാക്കൾ ഇടുക്കി ലൈവിന് കൈമാറി.