വനിതകൾക്കായി പ്രതിരോധ പാഠങ്ങൾ. ആത്മവിശ്വാസം പകർന്ന് ഇടുക്കി പോലീസ്

ഇടുക്കി ജില്ലാ പോലീസിന്റെ ആഭിമുഖ്യത്തിൽ മൂന്നാർ സീനിക് റിസോർട്ടിലെ ജീവനക്കാർക്കും, പാമ്പനാർ ശ്രീനാരായണ കോളേജിലെ വിദ്യാർഥിനികൾക്കുമായി സ്വയം പ്രതിരോധ പരിശീലന പരിപാടി നടത്തപ്പെട്ടു. ജില്ലാ പോലീസിലെ സ്വയം പ്രതിരോധ പരിശീലകരായ അസിസ്റ്റന്റ് സബ് ഇൻസ്പെക്ടർമാരായ ബിന്ദു ടി ജി, സോഫിയ കെ എസ്,. ശ്രീദേവി യു എസ്, സീനിയർ സിവിൽ പോലീസ് ഓഫീസർ ബിന്ദു മോൾ ടി ജി, സിവിൽ പോലീസ് ഓഫീസർമാരായ ആതിര, മോൻസി എന്നിവരുടെ നേതൃത്വത്തിൽ വിദ്യാർത്ഥികൾക്കായി സ്വയം പ്രതിരോധ പരിശീലനം നൽകി. ജനമൈത്രി സുരക്ഷാപദ്ധതിയുടെ കീഴില്‍ വനിതാ പോലീസ് ഉദ്യോഗസ്ഥർ നല്‍കുന്ന ഈ പരിശീലനം തികച്ചും സൗജന്യമാണ്. താല്‍പര്യമുള്ള വ്യക്തികള്‍ക്കും സ്ഥാപനങ്ങള്‍ക്കും തുടര്‍ന്നും പരിശീലനം നേടാവുന്നതാണ്. ഇടുക്കി ജില്ലയിൽ പരിശീലനം അവശ്യമുള്ളവർ 9497912649 എന്ന നമ്പരിൽ ബന്ധപ്പെടുക.