ചെറുകിട വ്യവസായം തുടങ്ങുന്നതിന് അപേക്ഷ ക്ഷണിച്ചു

ഇളംദേശം ബ്ലോക്ക് പഞ്ചായത്തില്‍ 2021-22 വാര്‍ഷിക പദ്ധതിയില്‍ വനിതാ ഗ്രൂപ്പുകള്‍ക്ക് സ്വയം തൊഴില്‍ പദ്ധതി പ്രകാരം ചെറുകിട വ്യവസായം തുടങ്ങുന്നതിന് പദ്ധതി അംഗീകരിച്ചിട്ടുണ്ട്. കുറഞ്ഞത് 5 വനിതകള്‍ ഉള്‍പ്പെട്ടതും ഗ്രേഡ് ചെയ്യപ്പെട്ടതുമായ ഗ്രൂപ്പിന് പരമാവധി 2,00,000 (രണ്ട് ലക്ഷം രൂപ മാത്രം) വായ്പ ബന്ധിതമായി സബ്‌സിഡി നല്‍കുന്ന പദ്ധതിയാണിത്.

താല്പര്യമുള്ള രജിസ്റ്റര്‍ ചെയ്ത പട്ടിക വര്‍ഗ്ഗ, ജനറല്‍, വനിതാ ഗ്രൂപ്പുകള്‍ ഒക്ടോബര്‍ 15 നകം ആലക്കോട് പ്രവര്‍ത്തിക്കുന്ന ഇളംദേശം ബ്ലോക്ക് പഞ്ചായത്ത് ഓഫീസില്‍ അപേക്ഷ സമര്‍പ്പിക്കേണ്ടതാണ്. കൂടുതല്‍ വിവരങ്ങള്‍ക്ക് ഇളംദേശം ബ്ലോക്ക് പഞ്ചായത്ത് ഓഫീസുമായോ , ബ്ലോക്ക് വ്യവസായ വികസന ഓഫീസറുടെ 9947248662 എന്ന നമ്പറിലോ ബന്ധപ്പെടുക.