2024- 25 അധ്യായന വർഷത്തെ നെടുങ്കണ്ടം ഉപജില്ല ശാസ്ത്ര, സാമൂഹ്യ ശാസ്ത്ര, ഗണിതശാസ്ത്ര മേളകളുടെ സ്വാഗതസംഘം രൂപീകരിച്ചു

2024- 25 അധ്യായന വർഷത്തെ നെടുങ്കണ്ടം ഉപജില്ല ശാസ്ത്ര, സാമൂഹ്യ ശാസ്ത്ര, ഗണിതശാസ്ത്ര മേളകളുടെ സ്വാഗതസംഘ രൂപീകരണം ഇന്ന് ചെമ്മണ്ണാർ സെന്റ് സേവ്യേഴ്സ് ഹയർ സെക്കൻഡറി സ്കൂളിൽ വച്ച് നടന്നു. സ്കൂൾ പിടിഎ പ്രസിഡന്റ് ശ്രീ ബിജു ഇടുക്കാറിന്റെ അധ്യക്ഷതയിൽ ചേർന്ന യോഗം പഞ്ചായത്ത് പ്രസിഡന്റ് ശ്രീ കെ കെ സജികുമാർ ഉദ്ഘാടനം ചെയ്തു. തുടർന്ന് നെടുങ്കണ്ടം ഉപജില്ല വിദ്യാഭ്യാസ ഓഫീസർ മേളയുമായി ബന്ധപ്പെട്ട കാര്യങ്ങൾ വിശദീകരിച്ചു. തുടർന്ന് വിവിധ കമ്മറ്റികളുടെ രൂപീകരണവും കമ്മറ്റികളുടെ സുഗമമായ നടത്തിപ്പിനു വേണ്ടി തദ്ദേശസ്ഥാപനങ്ങളുടെ പ്രതിനിധികളെയും പിടിഎ എം പി ടി എ അംഗങ്ങളെയും ചെയർമാൻമാരായി ഉൾപ്പെടുത്തിക്കൊണ്ടുള്ള കമ്മറ്റികൾ രൂപീകരിച്ചു. തുടർന്നുള്ള ദിവസങ്ങളിൽ ഈ മേള കാര്യക്ഷമമായി നടത്തുവാൻ വേണ്ടിയിട്ടുള്ള വിപുലീകരണ പ്രവർത്തനങ്ങൾ നടത്തുവാനുള്ള തീരുമാനത്തോട് കൂടി യോഗം സമാപിച്ചു. യോഗത്തിന് സ്കൂൾ പ്രിൻസിപ്പാൾ ശ്രീ ജോയി കെ ജോസ് സ്വാഗതവും സ്കൂൾ ഹെഡ്മാസ്റ്റർ ശ്രീ ബിജു വി ജെ നന്ദിയും രേഖപ്പെടുത്തി.