തൊഴിലുറപ്പ് ജോലിക്കിടെ വീട്ടമ്മയ്ക്ക് ക്രൂര മർദ്ദനം

തൊഴിലുറപ്പ് ജോലിക്കിടെ മാട്ടുക്കട്ട ആലൂർമറ്റത്തിൽ ഓമന ബാൽരാജിന് (65) ക്രൂര മർദ്ദനം. ഇന്നലെ ശനിയാഴ്ച രാവിലെ 10.30 ഓടെ ഓമന തൊഴിലുറപ്പ് ജോലി ചെയ്യുന്നതിനിടെ സ്ഥലത്തെത്തിയ മത്തായിപാറയിൽ റെജി തൊഴിലുറപ്പുമായി ബന്ധപ്പെട്ട്  വാക്കേറ്റമുണ്ടാവുകയും തുടർന്ന് റബ്ബർ കമ്പുപയോഗിച്ച് ആക്രമിക്കുകയായിരുന്നുവെന്നും പരാതിയിൽ പറയുന്നു. തലയ്ക്കും നടുവിനും സാരമായി പരിക്കേറ്റ ഓമനയെ മറ്റ് തൊഴിലാളികളും നാട്ടുകാരും ചേർന്ന് മാട്ടുക്കട്ട ആശുപത്രിലെത്തിക്കുകയും പിന്നീട് ഇരുപതേക്കർ താലൂക്ക് ആശുപത്രിയിലേയ്ക്കും ഇവിടെ നിന്ന് കട്ടപ്പനയിലെ സ്വകാര്യ ആശുപത്രിയിലേയ്ക്ക് മാറ്റുകയുമായിരുന്നു. സംഭവത്തിൽ ഉപ്പുതറ പോലീസ് കേസെടുത്ത് അന്വേഷണമാരംഭിച്ചു.