പീരിമേട്
കട്ടപ്പന-കുട്ടിക്കാനം സംസ്ഥാനപാതയില്‍ ലോറിയും ഓട്ടോറിക്ഷയും കൂട്ടിയിടിച്ച്‌ 4 പേര്‍ക്ക് പരിക്കേറ്റു.
ഓട്ടോറിക്ഷ യാത്രക്കാരായ ശാന്തിപ്പാലം പാത്തമുക്ക് മാന്താനത്തുകുന്നേല്‍ അനു(35), പൂണ്ടിക്കുളം പുത്തന്‍പുരയ്ക്കല്‍ അജീഷ്(26), പള്ളിക്കുന്ന് തുരുത്തേല്‍ വിനീഷ്(34), ചെങ്കര കളപ്പുരയ്ക്കല്‍ പ്രിയ(30) എന്നിവര്‍ക്കാണ് പരിക്കേറ്റത്.
ഇന്നലെ ഉച്ചകഴിഞ്ഞ് 3.30 ഓടെ ആലടി ഗേറ്റിനുസമീപമാണ് അപകടം.
ഉപ്പുതറയില്‍ നിന്ന് ചപ്പാത്തിലേക്ക് പോകുകയായിരുന്ന ഓട്ടോറിക്ഷ, കട്ടപ്പനയിലേക്ക് വരികയായിരുന്ന
ലോറിയുമായി കൂട്ടിയിടിക്കുകയായിരുന്നു. അപകടത്തില്‍പെട്ടവരെ ആലടി സര്‍ക്കാര്‍ ആശുപത്രിയില്‍ പ്രാഥമിക ചികിത്സയ്ക്ക് ശേഷം കട്ടപ്പനയിലെ സ്വകാര്യ ആശുപത്രിയില്‍ പ്രവേശിപ്പിച്ചു.
അപകടത്തില്‍ ഓട്ടോറിക്ഷ ഭാഗികമായി തകര്‍ന്നു. അപകടത്തെ തുടര്‍ന്ന് കുറച്ചുസമയം സംസ്ഥാന പാതയില്‍ ഗതാഗതം തതടസപ്പെട്ടു. ഉപ്പുതറ പൊലീസ് സ്ഥലത്തെത്തി മേല്‍നടപടി സ്വീകരിച്ചു.
