മൂന്ന് ചെയിൻമേഖലയിൽ നിന്ന് തടി കടത്താൻ ശ്രമം

അയ്യപ്പൻകോവിലിലെ മൂന്ന് ചെയിൻ മേഖലയിൽ നിന്ന് അനതികൃതമായി വെട്ടിക്കടത്താൻ ശ്രമിച്ച തടിയും വാഹനവും വനപാലകർ പിടികൂടി. മൂന്ന് ചെയിനിലെ കുത്തകപ്പാട്ട ഭൂമിയിൽ നിന്നാണ് മരം വെട്ടി കടത്താൻ ശ്രമിച്ചത്.

മഹാഗണി വെട്ടി വാഹനത്തിൽ കയറ്റുന്നതിനിടയാണ് പിടികൂടിയത് .
രഹസ്യ വിവരത്തിന്റെ അടിസ്ഥാനത്തിലാണ് ഉദ്യോഗസ്ഥർ എത്തിയത് .
മരം മുറിച്ച ഉപ്പുതറ സ്വദേശി ടോമി, സ്ഥലമുടമ തോണിത്തടി സ്വദേശിനി സിന്ധു എന്നിവർക്കെതിരെ വനം വകുപ്പ് കേസെടുത്തു.
റേഞ്ച് ഓഫീസർ എസ് കണ്ണൻ ,ഡെപ്യൂട്ടി റേഞ്ച് ഓഫീസർ ഉദയഭാനു , കെ അനിൽ ,വി ആർ നിഷാന്ത് ,പി എം സന്തോഷ് എന്നിവർ ഉൾപ്പെട്ട സംഘമാണ് തടി പിടികൂടിയത്. കസ്റ്റഡിയിലെടുത്ത വാഹനം ഡി എഫ് ഐയ്ക്കു കൈമാറി. തടി കോടതിയിലും ഹാജരാക്കി.