വണ്ടൻമേട് വാഴവീടിന് സമീപം സ്വകാര്യ ഏലത്തോട്ടത്തിൽ അജ്ഞാത മൃതദേഹം കണ്ടെത്തി. കൊലപാതകം എന്ന് പ്രാഥമിക നിഗമനം. മൃതദേഹത്തിന് ഒരാഴ്ചയിൽ അധികം പഴക്കമുള്ളതായി പോലീസ് കണക്കാക്കുന്നു.

വാഴവീടിനു സമീപം 16 ഏക്കർ ഭാഗത്ത് ശിവാജി എസ്റ്റേറ്റിൽ ഏല തോട്ടത്തിലെ ഓടയിലാണ് ദിവസങ്ങൾ പഴക്കമുള്ള മൃതദേഹം കണ്ടെത്തിയത്. പുരുഷന്റെ മൃതദേഹമാണ് കണ്ടെത്തിയത്. ഇന്ന് രാവിലെ ജോലിക്കെത്തിയ തൊഴിലാളികളാണ്‌ മൃതദ്ദേഹം കണ്ടത്. മൃതദേഹം ജീർണിച്ചതിനാൽ ആളെ തിരിച്ചറിയാനാവാത്ത അവസ്ഥയിലാണ്. കഴിഞ്ഞ 5 ന് ശേഷം എസ്റ്റേറ്റിലെ ജോലികൾ താൽകാലികമായി നിർത്തി വച്ചിരുന്നു. തുടർന്ന് വീണ്ടും ജോലി തുടരാൻ സ്ഥലമുടമ നിർദേശിച്ചതിനെ തുടർന്ന് ജോലിക്കെത്തിയ തൊഴിലാളികളാണ് മൃതദേഹം കണ്ടെത്. വണ്ടൻമേട്, കുമളി സ്റ്റേഷനുകളിലെ പൊലീസ് സ്ഥലത്തെത്തി പരിശോധന നടത്തി. കൊലപാതകമെന്നാണ് പ്രാഥമിക നിഗമനം. ഡോഗ് സ്ക്വാഡ്, ഫൊറൻസിക് സംഘ മുൾപ്പെടെ സ്ഥലത്തെത്തി തെളിവുകൾ ശേഖരിച്ചു. മൃതദേഹം കോട്ടയം മെഡിക്കൽ കോളേജിലേക്കു മാറ്റി. കുമളി പൊലീസ് അന്വഷണമാരംഭിച്ചു.