പ്രധാന വാര്‍ത്തകള്‍
‘ഇടുക്കി എന്റെ അഭിമാനം’ക്യാമ്പയിന്‍ വിജയികളെ പ്രഖ്യാപിച്ചു
ജില്ലയുടെ സുവര്‍ണ ജൂബിലി ആഘോഷങ്ങളുടെ ഭാഗമായി ജില്ലാ ഇന്‍ഫര്‍മേഷന്‍ ഓഫീസ് സമൂഹമാധ്യമങ്ങളിലൂടെ സംഘടിപ്പിച്ച ഇടുക്കി എന്റെ അഭിമാനം ക്യാമ്പയിന്‍ വിജയികളെ പ്രഖ്യാപിച്ചു. കാല്‍വരിമൗണ്ടില്‍ ജില്ലയുടെ സുവര്‍ണ ജൂബിലി ആഘോഷത്തോടും ടൂറിസം ഫെസ്റ്റിനോടും അനുബന്ധിച്ച് ജില്ലാ ഇന്‍ഫര്‍മേഷന്‍ ഓഫീസ് ഒരുക്കിയ ‘ഇടുക്കി എന്റെ അഭിമാനം’ ഫോട്ടോബൂത്തില്‍ നിന്ന് ചിത്രങ്ങളെടുത്ത് ഇന്‍ഫര്‍മേഷന്‍ ഓഫീസിന്റെ ഫേസ് ബുക്ക് പേജിലെ പോസ്റ്റിന് താഴെ കമന്റായി നല്‍കിയ ചിത്രങ്ങളില്‍ ഏറ്റവും കൂടുതല്‍ ലൈക്ക് ലഭിച്ച ജിന്‍സി ജോസ് ഒന്നാം സ്ഥാനവും, മനു പുരുഷോത്തമന്‍ രണ്ടാം സ്ഥാനവും, ഇന്‍സ്റ്റാഗ്രാം പോസ്റ്റിലൂടെ ലൈക്ക് ലഭിച്ച ഗോപിക വിബിന്‍ മൂന്നാം സ്ഥാനവും കരസ്ഥമാക്കി.
