ഉപാസന അനുസ്മരണവും ചിത്രരചന മത്സരവും ജനുവരി 26 ന് കട്ടപ്പനയിൽ
ഉപാസന അനുസ്മരണവും ചിത്രരചന മത്സരവും ജനുവരി 26 ന് കട്ടപ്പനയിൽ .
ഇടുക്കി ജില്ലയിലെ പ്രമുഖ ചിത്രകാരനും ചിത്രകലാ അധ്യാപകനുമായിരുന്ന ഉപാസന നാരായണൻകുട്ടിയുടെ അനുസ്മരണം ദർശനയുടെ നേതൃത്വത്തിൽ കട്ടപ്പനയിൽ നടക്കും. ഇതോടനുബന്ധിച്ചുള്ള പത്താമത് ഉപാസന ചിത്രരചനാ മത്സരം ജനുവരി 26 ന് ഉച്ചക്ക് ഒരു മണി മുതൽ കട്ടപ്പന ഡോൺ ബോസ്കോ ഇൻഫന്റ് ജീസസ് സ്കൂളിൽ വച്ച് നടത്തുമെന്ന് സംഘാടകർ അറിയിച്ചു. എൽ കെ ജി – യു കെ ജി, എൽ.പി , യു.പി, ഹൈസ്കൂൾ, ഹയർസെക്കന്ററി – കോളേജ് – പൊതുവിഭാഗം, സ്പെഷ്യൽ സ്കൂൾ എന്നിങ്ങനെ ആറ് വിഭാഗങ്ങളിലായാണ് മത്സരം. ഇത്തവണ ക്ലേ മോഡിലിംഗ് മത്സരവും നടത്തും. ജനുവരി 26 ന് രാവിലെ 10 മണി മുതൽ ജില്ലയിലെ പ്രമുഖ ചിത്രകാരന്മാർ പങ്കെടുക്കുന്ന ചിത്രകലാ ക്യാമ്പും ഉണ്ടായിരിക്കും. വിദ്യാർത്ഥികൾക്കും പൊതുജനങ്ങൾക്കും ക്യാമ്പിൽ പങ്കെടുക്കാം. ചിത്രരചനാമത്സരത്തിൽ പങ്കെടുക്കുന്ന വിദ്യാർത്ഥികൾക്ക് തൽസമയ രജിസ്ട്രേഷന് സൗകര്യം ഉണ്ടായിരിക്കും.
മത്സരത്തിൽ വിജയികൾക്ക് ക്യാഷ് അവാർഡും ട്രോഫിയും സമ്മാനമായി നൽകും.
മികച്ച ചിത്രത്തിന് ഉപാസന ട്രോഫിയും ക്യാഷ് അവാർഡും സമ്മാനിക്കും.
കൂടുതൽ വിവരങ്ങൾക്ക് 94471 95602
9447266975 എന്നീ ഫോൺ നമ്പരുകളിൽ ബന്ധപ്പെടുക.
