പ്രധാന വാര്‍ത്തകള്‍
ലോട്ടറി കച്ചവടക്കാരനായ വൃദ്ധനെ നാലായിരം രൂപയുടെ കള്ളനോട്ട് നല്‍കി കബളിപ്പിച്ചു
പീരുമേട്: ലോട്ടറി കച്ചവടക്കാരനായ വൃദ്ധനെ നാലായിരം രൂപയുടെ കള്ളനോട്ട് നല്‍കി കബളിപ്പിച്ചു. കാഴ്ചക്കുറവുള്ള ലോട്ടറി വില്‍പ്പനക്കാരനായ ധര്‍മ്മലിംഗം ( 76) ആണ് കബളിപ്പിക്കപെട്ടത് കുട്ടിക്കാനം ജംഗ്ഷനില്‍ കഴിഞ്ഞ ദിവസം ഉച്ചകഴിഞ്ഞ് 3 മണിയോടെയാണ് സംഭവം.
കറുത്ത ഓള്‍ട്ടോ കാറിലെത്തിയ യുവാവ് ധര്‍മ്മലിംഗത്തില്‍നിന്ന് നാലായിരം രൂപയുടെ ലോട്ടറി വാങ്ങി രണ്ടായിരത്തിന്റെ രണ്ട് നോട്ട് നല്‍കുകയായിരുന്നു. ഈ നോട്ട് മാറാനായി സമീപത്തുള്ള കടയില്‍ എത്തിയപ്പോളാണ് ഇത് കുട്ടികള്‍ക്ക് കളിക്കാനായി നല്‍കുന്ന നോട്ടാണന്ന് തിരിച്ചറിഞ്ഞത്. തുടര്‍ന്ന് പീരുമേട് പൊലീസില്‍ പരാതി നല്‍കി. സമീപത്തെ സിസി ടി വി ക്യാമറയില്‍ പതിഞ്ഞ ചിത്രം പൊലീസ് ശേഖരിച്ചിട്ടുണ്ട്.
