ചത്ത കോഴികളെ പെരിയാർ നദിയിൽ തള്ളി

വണ്ടിപ്പെരിയാർ: വള്ളക്കടവ് ചപ്പാത്തിന് സമീപം സാമൂഹ്യവിരുദ്ധർ ചത്ത ഇറച്ചി കോഴികളെ പെരിയാർ നദിയിൽ തള്ളിയാതായി പരാതി. കച്ചവടത്തിനായി കോഴിയെ കൊണ്ടുവരുന്ന വാഹനത്തിൽ നിന്നുമാണ് നദിയിലേക്ക് തള്ളിയിരിക്കുന്നത്.
ക്രിസ്മസ് കച്ചവടത്തിനായി കൊണ്ടുവന്ന ഇറച്ചി കോഴികൾ ചത്തതിനെത്തുടർന്നാണ് വണ്ടിപ്പെരിയാർ വള്ളക്കടവ് ചപ്പാത്ത് പാലത്തിൽ നിന്നും പെരിയാർ നദിലേക്ക് തള്ളിയിരിക്കുന്നത്. പത്തോളം ചത്ത കോഴികളെയാണ് പെരിയാർ നദിയിൽ സാമൂഹ്യവിരുദ്ധർ നിക്ഷേപിച്ചത്. തുടർന്ന് നാട്ടുകാർ ഇവയെ കുഴിച്ചുമൂടുകയും ചെയ്തു. ഇത്തരം അതിക്രമങ്ങൾ നടത്തുന്ന സാമൂഹ്യവിരുദ്ധരെ പിടികൂടണം എന്നാണ് നാട്ടുകാരുടെ ആവശ്യം.