വീര്യം കുറഞ്ഞ മദ്യത്തിന്റെ നികുതി ഇളവ്; ചര്ച്ച ചെയ്യാന് യുഡിഎഫ് യോഗം വിളിക്കാത്തതില് ഘടക കക്ഷി നേതാക്കള്ക്ക് അതൃപ്തി
വീര്യം കുറഞ്ഞ മദ്യത്തിന്റെ നികുതി ഇളവ് ചര്ച്ച ചെയ്യാന് യുഡിഎഫ് യോഗം വിളിക്കാത്തതില് ഘടക കക്ഷി നേതാക്കള്ക്ക് അതൃപ്തി. എപ്പോള് യോഗം ചേരുമെന്നതില് വ്യക്തതയില്ല. മുന്നണി യോഗം ചേരുന്നതിനുള്ള തീയതിയും സമയവും ഇനിയും നിശ്ചയിച്ചിട്ടില്ല. ഒന്നാം തീയതി നിയമസഭയില് ധന ബില്ല് പാസാക്കും എന്നിരിക്കെ അതിനുമുമ്പ് വിഷയം ചര്ച്ച ചെയ്ത് തീരുമാനമെടുക്കേണ്ട യുഡിഎഫ് യോഗം ചെയര്മാന്കൂടിയായ മുഖ്യമന്ത്രി വിളിക്കാത്തതില് കക്ഷി നേതാക്കള് അതൃപ്തിയിലാണ്.
വിഷയത്തില് വി എം സുധീരന് കോണ്ഗ്രസിനെ പ്രതിരോധത്തില് ആക്കിയെന്ന അമര്ഷം പാര്ട്ടിക്കുള്ളിലെ ഒരു വിഭാഗം നേതാക്കള്ക്കുണ്ട്. ഒന്നാം തീയതി നിയമസഭയില് അവതരിപ്പിക്കുന്ന ധനബില്ലില് നിന്ന് നികുതിയിളവ് ഒഴിവാക്കണമെന്ന വി എം സുധീരന്റെ നിലപാടും തിരിച്ചടിയാണ്. യുഡിഎഫിനുള്ളില് ആലോചിച്ചിട്ടേ തീരുമാനം ഉണ്ടാകുവെന്ന മുഖ്യമന്ത്രിയുടെ പ്രഖ്യാപനത്തെ, ചോദ്യങ്ങളില് നിന്ന് തലയൂരാനുള്ള മാര്ഗമാക്കുകയാണ് മറ്റു മന്ത്രിമാരും.
വീര്യം കുറഞ്ഞ മദ്യത്തിന് നികുതി ഇളവ് നല്കിയ തീരുമാനത്തില് നിന്ന് സര്ക്കാര് പിന്മാറുമെന്നാണ് പ്രതീക്ഷിക്കുന്നതെന്ന് സ്പീക്കര് തിരുവഞ്ചൂര് രാധാകൃഷ്ണന് ഇന്നലെ പ്രതികരിച്ചിരുന്നു.
ധനബില്ല് മാറ്റം കൂടാതെ പാസാക്കുന്നതിന് കോണ്ഗ്രസിലും മുന്നണിയിലും സമവായത്തിന് നീക്കം നടത്തുകയാണ് മുഖ്യമന്ത്രി വി ഡി സതീശന്. നിയമസഭയില് ധനബില് പാസാക്കുന്നത് ബുധനാഴ്ചയായിരിക്കും.
