കുമളിയിൽ കാറിന് തീപിടിച്ച് ഒരാൾ മരിച്ചു. കുമളി 66 മൈലിന് സമീപം ആയിരുന്നു സംഭവം. നാട്ടുകാരും പോലീസും ചേർന്ന് തീ അണച്ചു.

കുമളി: രാത്രി 8 മണിയോടെയാണ് സംഭവം നടക്കുന്നത്. കുമളിക്ക് വരികയായിരുന്ന കാറിനാണ് തീ പിടിച്ചത്. 66 മൈൽ ന് സമീപം കാറിന്റെ മുൻഭാഗത്ത് നിന്നും പുക ഉയരുന്നത് കാണുകയും വണ്ടി നിർത്തുകയും ചെയ്യുകയായിരുന്നു. ഇതുവഴി വന്ന മറ്റ് വാഹനത്തിലെത്തിയ യാത്രക്കാർ ഉടൻ തന്നെ കാറിനടുത്തെത്തി ചില്ല് പൊട്ടിച്ച് ഇയാളെ പുറത്തിറക്കാൻ ശ്രമിക്കുന്നതിനിടയിൽ തീ ആളിക്കത്തുകയായിരുന്നു. തുറന്ന് വാഹനം ഉരുണ്ട് നീങ്ങി താഴെ പാർക്ക് ചെയ്തിരുന്ന ബൈക്കലിടിച്ചു നിൽക്കുകയും ചെയ്തു. സംഭവത്തിൽ കാറിനൊപ്പം ബൈക്കും കത്തി നശിച്ചു. സംഭവം അറിഞ്ഞെത്തിയ നാട്ടുകാരും കുമളി പോലീസും ചേർന്ന് തീ നിയന്ത്രണ വിധേയമാക്കി. സംഭവത്തിൽ കാറിൽ ഉണ്ടായിരുന്ന ആൾ മരിച്ചു. മരിച്ച വ്യക്തി ആരാണെന്ന് ഇനിയും വ്യക്തമായിട്ടില്ല. മൃതദേഹം പീരുമേട് താലൂക്ക് ആശുപത്രിയിലേക്ക് മാറ്റിയിരിക്കുകയാണ്.