പ്രായപൂർത്തിയാകാത്ത പെൺകുട്ടിയെ പീഡിപ്പിച്ച കേസിൽ അയ്യപ്പൻകോവിൽ ഉപ്പുതറ സ്വദേശികളെ ഉപ്പുതറ പോലീസ് പിടികൂടി.

അയ്യപ്പൻ കോവിൽ സ്വദേശിയായ നാഗക്കാട്ട് മൻസൂർ അലി, ഉപ്പുതറ ലോൺട്രീ സ്വദേശിയായ ചാലുങ്കൽ സുനിൽ എന്നീ പ്രതികളെയാണ് പോലീസ് അറസ്റ്റ് ചെയ്തത്

2022 മുതലാണ് പ്രതിയായ ചാലുങ്കൽ സുനിൽ എന്ന ശ്രികുമാർ
പ്രായപൂർത്തിയാകാത്ത പെൺകുട്ടിയെ പീഡിപ്പിച്ചു വന്നത്.

കഴിഞ്ഞദിവസം സ്കൂളിൽ വച്ച് കുട്ടിയുമായ് നടത്തിയ കൗൺസിലിങ്ങിനിടയിലാണ് പീഡന വിവരം പുറത്തറിയുന്നത്.

പലതവണയായി സുനിൽ പെൺകുട്ടിയെ ശാരീരികമായി ഉപദ്രവിക്കുകയും സ്വകാര്യ ഭാഗങ്ങളിൽ സ്പർശിക്കുകയും ചെയ്തതായും , സുനിലിന്റെ സുഹൃത്തായ അയ്യപ്പൻകോവിൽ സ്വദേശി മൻസൂർ അലി മാട്ടുക്കട്ടയിലെ കടയിൽ പെൺകുട്ടിയെ എത്തിച്ച് സ്വകാര്യ ഭാഗങ്ങളിൽ പിടിക്കാൻ ശ്രമിച്ചതായും മറ്റോരാൾ പിഡീപ്പിക്കാൻ ശ്രമിച്ചതായും പെൺകുട്ടി പരാതി നൽകിയതിനെ തുടർന്നാണ് ചൈൽഡ് ലൈനിന്റെ നിർദ്ദേശപ്രകാരം ഉപ്പുതറ പോലീസ് കേസെടുത്തു പ്രതികളെ അറസ്റ്റ് ചെയ്തത്.

കേസിൽ മൂന്ന് പ്രതികളാണ് ഉൾപ്പെട്ടിരിക്കുന്നത്. മുഖ്യ പ്രതികളായ രണ്ടുപേരെയാണ് പോക്സോ കേസ് ചുമത്തി അറസ്റ്റ് ചെയ്തിരിക്കുന്നത്. പ്രതികളെ തെളിവെടുപ്പും മറ്റ് നടപടിക്രമങ്ങളും പൂർത്തിയാക്കിയ ശേഷം കോടതിയിൽ ഹാജരാക്കി റിമാൻഡ് ചെയ്തു.

ഉപ്പുതറ എസ് .ഐ മിഥുൻ മാത്യു, ഗ്രേഡ് എസ് .ഐ സിയാദ് മോൻ , സി.പി. ഓ മാരായ അജേഷ് പി , ജിജോ വിജയൻ , ജോളി ജോസഫ് , അജിമോൻ എ .പി , നിഷാദ്, എന്നിവരുടെ നേതൃത്വത്തിലാണ് പ്രതികളെ പിടികൂടിയത്