അധ്യാപക രക്ഷാകർതൃ യോഗവും പുതിയ ടോയ്ലറ്റ് സമുച്ചയത്തിന്റെ ഉദ്ഘാടനവും നടന്നു
വണ്ടൻമേട് സെന്റ് ആന്റണീസ് ഹൈസ്കൂളിൽ 2024 -25 അധ്യയന വർഷത്തിലെ അധ്യാപക രക്ഷാകർതൃ യോഗവും ഉടുമ്പൻചോല എം.എൽ.എ എം.എം മണിയുടെ പ്രാദേശിക വികസന ഫണ്ട് ഉപയോഗിച്ച് നിർമ്മിച്ച പുതിയ ടോയ്ലറ്റ് സമുച്ചയത്തിന്റെ ഉദ്ഘാടന കർമ്മവും നടത്തപ്പെട്ടു .
PTA പ്രസിഡന്റ് സജി സാമുവൽ അധ്യക്ഷത വഹിച്ച യോഗത്തിന് സ്കൂൾ ഹെഡ്മിസ്ട്രസ് കൊച്ചുറാണി ജോർജ് സ്വാഗതം ആശംസിച്ചു. 2023- 24 അധ്യയന വർഷത്തെ പ്രവർത്തന റിപ്പോർട്ട് PTA സെക്രട്ടറി ബെന്നി ജോർജ് അവതരിപ്പിച്ചു.
തുടർന്ന് പൊതുയോഗത്തിന്റെയും, നിർമ്മാണം പൂർത്തിയാക്കിയ പുതിയ ടോയ്ലറ്റ് സമുച്ചയത്തിന്റെയും ഉദ്ഘാടന കർമ്മം ഉടമ്പൻചോല മണ്ഡലം എംഎൽഎ ശ്രീ എം എം മണിയുടെ അഭാവത്തിൽ വാർഡ് മെമ്പർ ജി പി രാജൻ നിർവഹിച്ചു .
സ്കൂൾ മാനേജർ റവ. സിസ്റ്റർ ലിസ്യൂ തെരേസ് SABS എസ്എസ്എൽസി പരീക്ഷയിലെ ഫുൾ എ പ്ലസ് ജേതാക്കളെയും LSS, USS, NMMS സ്കോളർഷിപ്പ് പരീക്ഷകളിൽ ഉന്നത വിജയം നേടിയ വിദ്യാർത്ഥികളെയും ആദരിച്ചു .
മുൻ ഗ്രാമപഞ്ചായത്ത് പ്രസിഡന്റ് സിബി എബ്രഹാം ആശംസകൾ അർപ്പിച്ചു.
സ്കൂൾ സീനിയർ അസിസ്റ്റന്റ് റാണി ജോർജ് യോഗത്തിന് കൃതജ്ഞത അർപ്പിച്ച് യോഗം അവസാനിച്ചു.
