കട്ടപ്പന ഓസാനമിൽ പാർലമന്റ് മാതൃകയിൽ തിരഞ്ഞെടുപ്പ് നടന്നു

കട്ടപ്പന ഓസാനാം ഇംഗ്ലീഷ് മീഡിയം ഹയർ സെക്കണ്ടറി സ്കൂളിൽ 2024-25 അധ്യായന വർഷത്തെ സ്കൂൾ പാർലമെന്റ് തിരഞ്ഞെടുപ്പ് നടന്നു.

സോഷ്യൽ സയൻസ് ക്ലബ്ബിന്റെ നിർത്തിലാണ് തെരഞ്ഞെടുപ്പ് സംഘടിപ്പിച്ചത് .

ലോക്സഭാ ,നിയമസഭ തെരഞ്ഞെടുപ്പിന്റെ മാതൃകയിൽ തിരഞ്ഞെടുപ്പ് സംഘടിപ്പിച്ചത് ശ്രദ്ധേയമായി.

മുൻ വർഷങ്ങളിൽ നിന്നും വ്യത്യസ്തമായ രീതിയിലായിരുന്നു ഈ അധ്യായന വർഷത്തെ തെരഞ്ഞെടുപ്പ് .

സ്കൂളിലെ മുഴുവൻ കുട്ടികൾക്കും അവരുടെ സമ്മതിദാനാവകാശം വിനിയോഗിക്കാനുള്ള അവസരം സ്കൂളിൽ സജ്ജമാക്കിയതിലൂടെ കുട്ടികളിൽ സ്കൂൾ കാലയളവിൽ തന്നെ പൗരബോധവും വോട്ടവകാശത്തിന്റെ പ്രാധാന്യവും ഊട്ടിയുറപ്പിക്കുകയാണ് ലക്ഷ്യമിട്ടതെന്നും സ്കൂൾ പ്രിൻസിപ്പൽ ഫാദർ മനു . കെ. മാത്യൂ പറഞ്ഞു.

താങ്കളുടെ വിദ്യാലയത്തിൽ തന്നെ കന്നി വോട്ട് രേഖപ്പെടുത്തിയതിന്റെ വേറിട്ട സന്തോഷത്തിലും ആഹ്ലാദത്തിലായിരുന്നു വിദ്യാർത്ഥികൾ .