ചക്കുപള്ളം എൻഎസ്എസ് കരയോഗം നിർമ്മാണം പൂർത്തീകരിച്ച മന്നം ശതാബ്ദി മെമ്മോറിയൽ ഹാൾ നാടിന് സമർപ്പിച്ചു

ചക്കുപള്ളം എൻഎസ്എസ് കരയോഗം നിർമ്മാണം പൂർത്തീകരിച്ച മന്നം ശതാബ്ദി മെമ്മോറിയൽ ഹാൾ നാടിന് സമർപ്പിച്ചു. ഹൈറേഞ്ച് താലൂക്ക് യൂണിയൻ പ്രസിഡണ്ട് ആർ മണിക്കുട്ടൻ ഉദ്ഘാടന കർമ്മം നിർവഹിച്ചു.

ചക്കുപള്ളം 3548-ാം നമ്പർ എൻഎസ്എസ് കരയോഗം പുതിയതായി പണികഴിപ്പിച്ച മന്നം മെമ്മോറിയൽ ഹാളിന്റെ സമർപ്പണ ചടങ്ങിൽ കരയോഗം വൈസ് പ്രസിഡണ്ട് കെ ആർ മധു അധ്യക്ഷത വഹിച്ചു. യോഗത്തിന് മുന്നോടിയായി ഓഫീസ് അങ്കണത്തിൽ പതാക ഉയർത്തി. ഹൈറേഞ്ച് താലൂക്ക് എൻഎസ്എസ് യൂണിയൻ പ്രസിഡണ്ട് ആർ മണിക്കുട്ടൻ ഹാൾ ഉദ്ഘാടനം നിർവഹിച്ചു.

കരയോഗം പ്രസിഡണ്ട് സി അജികുമാർ ഫോട്ടോ അനാച്ഛാദനം നിർവഹിച്ചു. വനിതാ സമാജം പ്രസിഡണ്ട് ശ്യാമള മധു പുരസ്കാര വിതരണം നടത്തി. എസ്എസ്എൽസി, പ്ലസ് ടൂ പരീക്ഷകളിൽ ഉന്നതവിജയം നേടിയ കുട്ടികളെ ഉപഹാരം നൽകി അനുമോദിച്ചു.
കരയോഗം സെക്രട്ടറി റ്റി കെ അനിൽകുമാർ, രാജേഷ് എൻ നായർ, എൻഎസ്എസിന്റെയും വനിതാ സമാജത്തിന്റെയും താലൂക്ക് യൂണിയൻ ഭാരവാഹികൾ തുടങ്ങിയവർ ആശംസകൾ അർപ്പിച്ച് സംസാരിച്ചു.