സിദ്ധാർഥന്റെ മരണം; ആറ് പ്രതികളെ ഇന്ന് കോടതിയിൽ ഹാജരാക്കും

വയനാട് പൂക്കോട് വെറ്ററിനറി കോളജ് വിദ്യാർഥി സിദ്ധാർഥന്റെ മരണവുമായി ബന്ധപ്പെട്ട് പൊലീസ് കസ്റ്റഡിയിൽ വാങ്ങിയ ആറ് പ്രതികളെ ഇന്ന് കോടതിയിൽ ഹാജരാക്കും. കസ്റ്റഡി കാലാവധി അവസാനിക്കുന്നതിനാലാണിത്. ചോദ്യം ചെയ്യൽ ഉൾപ്പെടെയുള്ള നടപടികൾക്കായി മറ്റ് പ്രതികളുടെ കസ്റ്റഡി അപേക്ഷ സമർപ്പിക്കാനും സാധ്യതയുണ്ട്. കേസിലെ മുഖ്യപ്രതി എന്ന് കരുതുന്ന സിൻജോ ജോൺസനെ സിദ്ധാർഥൻ മർദ്ദനത്തിനിരയായ ആൺകുട്ടികളുടെ ഹോസ്റ്റലിൽ എത്തിച്ച് തെളിവെടുത്തിരുന്നു. സിദ്ധാർഥന്റെ മരണത്തിൽ പ്രതിഷേധിച്ചും കോളജ് അധികാരികൾക്കെതിരെ നടപടി ആവശ്യപ്പെട്ടും പൂക്കോട് ക്യാമ്പസിലേക്ക് വിവിധ സംഘടനകൾ ഇന്ന് പ്രതിഷേധ മാർച്ച് നടത്തും.