മൂന്നാം ആഴ്ചയിലും പ്രിയം പ്രേമലുവിന്; 700 തിയറ്ററുകളിൽ പ്രദർശനം തുടരുന്നു

കൊച്ചി: മലയാള സിനിമയുടെ നല്ലകാലമാണിത്. പ്രേമലു, ഭ്രമയുഗം, മഞ്ഞുമ്മൽ ബോയ്സ്. തിയറ്ററുകളെല്ലാം ഒരു വിധം ഹൗസ്ഫുള്ളാണ്. ഇതിലാര് മുന്നിലെത്തുമെന്ന മത്സരമാണ്. മൂന്നാഴ്ചയായിട്ടും പ്രേമലു ലോകമെമ്പാടുമുള്ള 700 തിയറ്ററുകളിൽ പ്രദർശിപ്പിക്കുന്നു എന്നതാണ് പുതിയ ബോക്സ് ഓഫീസ് റിപ്പോർട്ട്.

ചെറിയ ബജറ്റിൽ ഒരുക്കിയ ചിത്രമാണ് പ്രേമലു. പക്ഷേ എല്ലാത്തരം പ്രേക്ഷകരും സിനിമയെ സ്വീകരിച്ചു. തമാശ കൊണ്ട് നിറഞ്ഞ സിനിമ പ്രണയത്തിനും പ്രാധാന്യം നൽകുന്നു. സിനിമ ആ​ഗോളതലത്തിൽ നേരത്തെ തന്നെ 50 കോടി ക്ലബിൽ എത്തിയിരുന്നു.

ഗിരീഷ് എ ഡിയുടെ സംവിധാനത്തിൽ എത്തിയ സിനിമയിൽ നസ്‍ലെനും മമിമതയുമാണ് നായകനും നായികയുമായെത്തുന്നത്. ശ്യാം മോഹൻ, അഖില ഭാർഗവൻ, സംഗീത് പ്രതാപ്, മീനാക്ഷി രവീന്ദ്രൻ എന്നിവരും പ്രേമലുവില്‍ പ്രധാന വേഷത്തില്‍ എത്തി.