കുടുംബയോഗങ്ങൾ എസ്.എൻ.ഡി.പി യോഗ പ്രവർത്തനം ശക്തമാക്കി
ചെമ്പൻകുളം ഗോപി വൈദ്യർ
കുടുംബയോഗങ്ങൾ ആരംഭിച്ചതോടുകൂടി എസ്.എൻ.ഡി.പി.യോഗ പ്രവർത്തനം താഴേക്കിടയിലേക്കെത്തുകയും കൂടുതൽ ശക്തമാവുകയും എല്ലാ അംഗങ്ങളും യോഗ പ്രവർത്തകരാകുകയും ചെയ്തുവെന്നും പീരുമേട് യൂണിയൻ പ്രസിഡന്റ് ചെമ്പൻ കുളം ഗോപി വൈദ്യർ പറഞ്ഞു എസ്.എൻ.ഡി.പി.യോഗം ഡൈമുക്കു ശാഖയിലെ ആറു കുടുംബയോഗങ്ങളുടെ സംയുക്ത വാർഷിക സമ്മേളനം ശാഖാ ആഡിറ്റോറിയത്തിൽ ഉൽഘാടനം ചെയ്യുകയായിരുന്നു അദ്ദേഹം.
ശാഖായോഗം പ്രസിഡന്റ് എൻ.കെ. മനോജ് അദ്ധ്യക്ഷതായിരുന്നു. യൂണിയൻ സെക്രട്ടറി കെ.പി. ബിനു മുഖ്യപ്രഭാഷണം നടത്തി. യൂണിയൻ കൗൺസിലർ കെ.ആർ. സദൻ രാജൻ യൂത്ത്മൂവ്മെന്റ് യൂണിയൻ പ്രസിഡന്റ് രാജേഷ്‌ലാൽ സെക്രട്ടറി പ്രമോദ് ധനപാലൻ വനിതാ സംഘം യൂണിയൻ സെക്രട്ടറി സിന്ധുവിനോദ് സൈബർ സേനാ യൂണിയൻ ചെയർമാൻ ഷിബു മുതലക്കുഴി കൺവീനർ പ്രവീൺ അപ്പു ശാഖായോഗം സെക്രട്ടറി മനു പി.റ്റി. വൈസ് പ്രസിഡന്റ് വി.കെ.ശ്രീധരൻ എന്നിവർ പ്രസംഗിച്ചു. റ്റി.ആർ. ശരത്ത് പറവൂർ ഗുരുദേവ പ്രഭാഷണവും കുടുബ യോഗങ്ങളുടെ വിവിധ കലാപരിപാടികളും അരങ്ങേറി.
