കാഞ്ഞിരപ്പള്ളി രൂപതയിലെ ഏറ്റവും മികച്ച എൽപി സ്കൂളിനുള്ള പുരസ്ക്കാരം കട്ടപ്പന സെൻറ് ജോർജ് എൽപി സ്കൂളിന്

കാഞ്ഞിരപ്പള്ളി രൂപതയിലെ ഏറ്റവും കൂടുതൽ വിദ്യാർത്ഥികൾ പഠിക്കുന്ന എൽപി സ്കൂളിൽ ഒന്നാണ് കട്ടപ്പന സെൻറ് ജോർജ് എൽ പി സ്കൂൾ .
പാഠ്യ പാഠ്യതര വിഷയങ്ങളിലെ മികവിലാണ് പ്ലാറ്റിനം വിഭാഗത്തിൽ സെന്റെ ജോർജ് എൽ പി സ്കൂൾ ഒന്നാം സ്ഥാനത്ത് എത്തിയത്.

13 വർഷം കട്ടപ്പന സെൻറ് ജോർജ് എൽ പി സ്കൂളിൽ പ്രധാന അധ്യാപികയായിരുന്ന ജയമ്മ ജോസഫ് ടീച്ചറിന്റെ കാലയളവിൽ ഇത് നാലാം തവണയാണ് സ്കൂളിന് ബെസ്റ്റ് സ്കൂൾ ട്രോഫി ലഭിക്കുന്നത്.

അധ്യാപകർ , പിടിഎ , രക്ഷകർത്താക്കൾ തുടങ്ങിയവരുടെ കൂട്ടായ പ്രവർത്തനമാണ് സ്കൂളിനെ ഒന്നാം സ്ഥാനത്ത് എത്തിച്ചത്. കാഞ്ഞിരപ്പള്ളി സെൻറ് ഡൊമിനിക് സ്കൂളിൽ നടന്ന മെറിറ്റ് ഡേ ആഘോഷത്തിൽ കാഞ്ഞിരപ്പള്ളി രൂപത അധ്യക്ഷൻ മാർ .ജോസ് പുളിക്കൽ ട്രോഫി കൈമാറി .
സെൻറ് ജോർജ് എൽ പി സ്കൂൾ ഹെഡ്മാസ്റ്റർ ദീപു ജേക്കബ് , മുൻ ഹെഡ്മിസ്ട്രസ് ജയമ്മ ജോസഫ് എന്നിവർ ട്രോഫി ഏറ്റുവാങ്ങി.