പ്രധാന വാര്‍ത്തകള്‍
ഓടിക്കൊണ്ടിരുന്ന ബസിൽ നിന്ന് തെറിച്ച് വീണ് ഇടുക്കി മറയൂര്‍ സ്വദേശിയായ കോളേജ് വിദ്യാർത്ഥി മരിച്ചു
ഇടുക്കി: ഓടിക്കൊണ്ടിരുന്ന ബസില്‍നിന്ന് വീണ് ചക്രത്തിനടിയില്‍പെട്ട മലയാളി വിദ്യാര്‍ഥി മരിച്ചു. ഇടുക്കി മറയൂര്‍ സ്വദേശിയും പൊള്ളാച്ചിയിലെ സ്വകാര്യ കോളജില്‍ മൂന്നാം വര്‍ഷ ബിഎസ്‌സി കമ്ബ്യൂട്ടര്‍ സയന്‍സ് വിദ്യാര്‍ഥിയുമായ മദന്‍ലാല്‍ (22) ആണ് മരിച്ചത്. അപകടസ്ഥലത്ത് വച്ച് തന്നെ വിദ്യാര്‍ഥി മരണപ്പെടുകയായിരുന്നു.
ഉദുമലപേട്ടയില്‍ താമസിക്കുന്ന മദന്‍ലാല്‍ കോയമ്ബത്തൂരില്‍നിന്ന് പളനിയിലേക്ക് പോകുന്ന ബസിലായിരുന്നു വിദ്യാര്‍ഥി യാത്ര ചെയ്‌തിരുന്നത്. ബസ് വളവ് തിരിയുന്നതിനിടെ ബാലന്‍സ് നഷ്‌ടപ്പെട്ട വിദ്യാര്‍ഥി പുറത്തേക്ക് വീഴുകയും പിന്‍ചക്രത്തിനടിയില്‍ പെടുകയുമായിരുന്നു. തുടര്‍ന്ന് പൊലീസ് എത്തിയാണ് മൃതദേഹം ആശുപത്രിയിലേക്ക് മാറ്റിയത്.
