രാഷ്ട്ര പിതാവ് മഹാത്മജിയുടെ മരിക്കാത്ത ഓർമ്മകൾ ലോകാവസാനം വരെ ഒളിമങ്ങാതെ നിലനിൽക്കുമെന്ന് മുൻ എം എൽ എ ഇ എം ആഗസ്തി
അഖണ്ഡഭാരത സ്വപ്നം അണമുറിയാതെ കാത്ത് സംരക്ഷിക്കാനും മതേതരത്വവും ജനാധിപത്യവും നിലനിർത്തുവാനും സ്വന്തം ജീവിതവും ജീവനും രാജ്യത്തിന് വേണ്ടി സമർപ്പിച്ച രാഷ്ട്ര പിതാവ് മഹാത്മജിയുടെ മരിക്കാത്ത ഓർമ്മകൾ ലോകാവസാനം വരെ ഒളിമങ്ങാതെ നിലനിൽക്കുമെന്ന് മുൻ എം എൽ എ ഇ എം ആഗസ്തി . കട്ടപ്പന മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ നടന്ന മഹാത്മാഗാന്ധി രക്തസാക്ഷിത്വ ദിനാചരണം ഉദ്ഘാടനം ചെയ്തു കൊണ്ട് സംസാരിക്കുകയായിരുന്നു അദ്ദേഹം. ലോകത്താകമാനം ജനാധിപത്യം പൂത്തു വിരിയിക്കുവാൻ പ്രചോദനമായ ഗാന്ധിജി വളരുന്ന തലമുറക്ക് പഠിച്ചുതീരാൻ പറ്റാത്ത പാഠപുസ്തകമാണെന്നും ആഗസ്തി പറഞ്ഞു. മണ്ഡലം പ്രസിഡന്റ് തോമസ് മൈക്കിൾ അദ്ധ്യക്ഷത വഹിച്ചു. കെ പി സി സി സെക്രട്ടറി തോമസ് രാജൻ ‘ബ്ലോക്ക് പ്രസിഡന്റ് മനോജ് മുരളി, സിജു ചക്കുമൂട്ടിൽ, സിബി പാറപ്പായി, പ്രശാന്ത് രാജു , ഷമേജ് കെ ജോർജ് , എ എം സന്തോഷ്, ലീലാമ്മ ബേബി, ബീനാ ടോമി , ഷാജി വെള്ളംമാക്കൽ, ജിതിൻ ഉപ്പുമാക്കൽ, എബ്രഹാം പന്തംമാക്കൽ തുടങ്ങിയവർ പ്രസംഗിച്ചു.
