കാർ നിയന്ത്രണംവിട്ട് മറിഞ്ഞ് ഡ്രൈവർക്ക് ഗുരുതര പരിക്ക്

അടിമാലി▪️ വിനോദസഞ്ചാരികൾ സഞ്ചരിച്ച കാർ നിയന്ത്രണംവിട്ട് മറിഞ്ഞ് ഡ്രൈവർക്ക് ഗുരുതര പരിക്ക്. പശ്ചിമ ബംഗാൾ സ്വദേശി യോഗേഷ് അഗർവാളിന്‌ (25) ആണ് പരിക്കേറ്റത്. ഇയാളെ എറണാകുളത്തെ സ്വകാര്യ ആശുപത്രിയിൽ പ്രവേശിപ്പിച്ചു. ബുധനാഴ്ച വൈകീട്ട് പള്ളിവാസലിനുസമീപമാണ് അപകടം. നിയന്ത്രണംവിട്ട കാർ മൺതിട്ടയിൽ ഇടിച്ച് മറിയുകയായിരുന്നു. വാഹനത്തിലുണ്ടായിരുന്ന നാലുപേരും നിസ്സാര പരിക്കുകളോടെ രക്ഷപ്പെട്ടു.