Idukki വാര്‍ത്തകള്‍
ലൈഫ് ഭവന പദ്ധതി ഗുണഭോക്താക്കളുടെ വീടുകളിലേക്ക് വൈദ്യുതി കണക്ഷന്‍ ലഭിച്ചു
മുട്ടം: ലൈഫ് ഭവന പദ്ധതി ഗുണഭോക്താക്കളുടെ വീടുകളിലേക്ക് വൈദ്യുതി കണക്ഷന്‍ ലഭിച്ചു.മലങ്കര പുറമ്ബോക്ക് ഭൂമിയില്‍ കുടില്‍ കെട്ടി താമസിച്ച്‌ വന്നിരുന്ന അഞ്ച് കുടുംബക്കാര്‍ക്ക് ലൈഫ് ഭവന പദ്ധതി പ്രകാരം പഞ്ചായത്ത്‌ നിര്‍മ്മിച്ച്‌ നല്‍കിയ വീടുകളിലേക്കാണ് വൈദ്യുതി കണക്ഷന്‍ ലഭിച്ചത്.രണ്ട് വൈദ്യുതി പോസ്റ്റുകള്‍ അധികമായി സ്ഥാപിച്ചാണ് ഗുണഭോക്താക്കളുടെ വീടുകളിലേക്ക് വൈദ്യുതി എത്തിച്ചത്.
വൈദ്യുതി കണക്ഷന്‍ ലഭിക്കുന്നതിന് ഗുണഭോക്താക്കള്‍ ഗുണഭോക്ത വിഹിതമായി 2400 രൂപ വീതം അടച്ചിരുന്നു.വൈദ്യുതി കണക്ഷന്റെ സ്വിച്ച്‌ ഓണ്‍ കര്‍മ്മം വാര്‍ഡ് മെമ്ബര്‍ സൗമ്യ സാജിബിന്‍ നിര്‍വഹിച്ചു.
