ഇടുക്കി സ്വദേശിയെ തമിഴ്നാട്ടിലെ ലോഡ്ജിൽ മരിച്ച നിലയിൽ കണ്ടെത്തി.

ഇടുക്കി ചക്കുപള്ളം സ്വദേശി പാറക്കൽ ദേവസ്യ അബ്രഹാമിനെയാണ് മരിച്ച നിലയിൽ കണ്ടെത്തിയത്.

കമ്പം പുതിയ ബസ് സ്റ്റാൻഡിന് സമീപത്തെ ലോഡ്ജിലാണ് മൃതദേഹം കണ്ടെത്തിയത്. അമിത മദ്യപാനമാണ് മരണ കാരണമെന്നാണ് തമിഴ്നാട് പോലീസിൻറെ പ്രാഥമിക നിഗമനം. ഏപ്രിൽ 22 ആം തീയതി മുതൽ ഈ ലോഡ്ജിലാണ് ഇയാൾ താമസിച്ചിരുന്നത്. കഴിഞ്ഞ ദിവസങ്ങളിൽ പുറത്ത് കാണാത്തതിനാൽ ലോഡ്ജ് ജീവനക്കാർ പോലീസിൽ വിവരം അറിയിക്കുകയായിരുന്നു.

തുടർന്ന് പൊലീസ് എത്തി മുറി തുറന്നപ്പോഴാണ് മരിച്ചനിലയിൽ കണ്ടെത്തിയത്. മൃതദേഹം പോസ്റ്റുമോർട്ടത്തിനായി തമിഴ്നാട് ഗവൺമെൻറ് ആശുപത്രി മോർച്ചറിയിലേക്ക് മാറ്റി. പോസ്റ്റുമോർട്ടം നടപടികൾ പൂർത്തിയാക്കി നാളെ മൃതദേഹം ബന്ധുക്കൾക്ക് വിട്ടു നൽകും.