കട്ടപ്പന ലയൺസ് ക്ലബ്ബ് ഭാരവാഹികളുടെ സ്ഥാനാരോഹണം നടന്നു

കട്ടപ്പന ലയൺസ് ക്ലബ്ബ് ഭാരവാഹികളുടെ സ്ഥാനാരോഹണം നടന്നു. സി.എസ് സന്തോഷാണ് പുതിയ പ്രസിഡന്റ് . കട്ടപ്പന ലയൺസ് ക്ലബ്ബിന്റെ പുതിയ ഭാരവാഹികളുടെ സ്ഥാനാരോഹണവും അംഗങ്ങളുടെ സത്യ പ്രതിജ്ഞയും ലയൺസ് ക്ലബ് ഹാളിൽ നടന്നു. സി.എസ്.സന്തോഷ് പ്രസിഡന്റായും ഷാജി ജോസഫ് സെക്രട്ടറിയായും ജിജി സെബാസ്റ്റ്യൻ ട്രഷററായും ചുമതലയേറ്റു. ഐ പി ഡി ജി കെ.ബി.ഷൈൻകുമാർ മുഖ്യാ തിഥിയായിരുന്നു.

ചടങ്ങിനോട് അനുബന്ധിച്ചു വിദ്യാർഥികൾക്കുള്ള സ്‌കൂൾ ബാഗുകളും വള്ളക്കടവ് സ്നേഹസദൻ സ്കൂളിന് വാട്ടർ പ്യൂരിഫയറും കൈമാറി. ജോർജ് തോമസ്,ജോസഫ് പുതുമന, റെജി ജോസഫ്,ജെബിൻ ജോസ് , എം.എം.ജോസഫ്, അമൽ കെ.മാത്യു, ജോസഫ് ജോണി, മാത്യു കെ.ജോൺ, കെ.സി.ജോസ്, കെ. ശശിധരൻ, പി.വി.കുര്യൻ എന്നിവർ സംസാരിച്ചു.