ശിൽപ്പശാല മെയ് നാല് ഞായറാഴ്ച

ഇന്ത്യൻ നാഷണൽ കോൺഗ്രസ്‌ ഇടുക്കി, കട്ടപ്പന ബ്ലോക്ക് കമ്മറ്റികളുടെ നേതൃത്വത്തിലുള്ള നിയോജമണ്ഡലം ഏകദിന ശിൽപ്പശാല മെയ് നാല് ഞായറാഴ്ച രാവിലെ പത്ത് മണി മുതൽ ഇടുക്കി ഡി സി സി ഓഫീസിൽ വച്ച് നടക്കുമെന്ന് കോൺഗ്രസ്‌ കട്ടപ്പന ബ്ലോക്ക് പ്രസിഡണ്ട് തോമസ് മൈക്കിൾ അറിയിച്ചു.ഈ വർഷം നടക്കുന്ന തദ്ദേശ തിരഞ്ഞെടുപ്പിനുള്ള തയാറെടുപ്പിന്റെ ഭാഗമായാണ് കെ പി സി സി യുടെ നിർദ്ദേശ പ്രകാരം പരിപാടി സംഘടിപ്പിക്കുന്നത്. ഇടുക്കി നിയോജക മണ്ഡലത്തിലെ വിവിധ പഞ്ചായത്തുകളിലെ രാഷ്ട്രീയ സാഹചര്യങ്ങളും, വികസന പ്രശ്നങ്ങളും ക്യാമ്പിൽ ചർച്ച ചെയ്യും. നിയോജക മണ്ഡലത്തിലെ പത്ത് പഞ്ചായത്തുകളിൽ നിന്നും തിരഞ്ഞെടുക്കപ്പെട്ട നൂറ്റിയൻപതോളം പ്രതിനിധികളാണ് ശിൽപ്പശാലയിൽ പങ്കെടുക്കുന്നത്. രാവിലെ പത്ത് മണിക്ക് ആരംഭിക്കുന്ന പരിപാടി അഡ്വ: ഡീൻ കുര്യമാക്കോസ് എം പി ഉൽഘാടനം ചെയ്യും. കോൺഗ്രസ്‌ ഇടുക്കി ബ്ലോക്ക് പ്രസിഡണ്ട് അഡ്വ: അനീഷ് ജോർജ് അധ്യക്ഷത വഹിക്കിമെന്നും തോമസ് മൈക്കിൾ പറഞ്ഞു.