തീക്കോയി വാഗമൺ റോഡിൽ വിനോദ സഞ്ചാരികൾ സഞ്ചരിച്ച ട്രാവലർ മറിഞ്ഞ് ഒരാൾ മരിച്ചു

തീക്കോയി വാഗമൺ റോഡിൽ കുമരകം സ്വദേശികളായ വിനോദ സഞ്ചാരികൾ സഞ്ചരിച്ച ട്രാവലർ മറിഞ്ഞ് ഒരാൾ മരിച്ചു. കമ്പിച്ചിറയിൽ ധന്യ (43) ആണ് മരിച്ചത്. ആറോളം പേർക്ക് പരിക്കേറ്റതായും വിവരമുണ്ട്. ബുധനാഴ്ച്ച വൈകുന്നേരം കുമരകത്തുനിന്ന് വന്ന 12 പേരടങ്ങുന്ന സംഘം തിരിച്ചുപോകുമ്പോഴാണ് വേലത്തുശ്ശേരിക്ക് സമീപം ഒറ്റയീട്ടിയിൽ അപകടത്തിൽപെട്ടത്. പരിക്കേറ്റവരിൽ ആറു പേരെ സൺറൈസ് ആശുപത്രിയിലും രണ്ടു പേരെ പി.എം.സി ആശുപത്രിയിലും പ്രവേശിപ്പിച്ചു.  ഈരാറ്റുപേട്ട പോലീസും ഫയർഫോഴ്സും ടീം നന്മക്കൂട്ടവും ടീം എമർജൻസിയും നാട്ടുകാരും രക്ഷാ പ്രവർത്തനത്തിന് നേതൃത്വം നൽകി