ആരോഗ്യം
കേരളത്തിൽ 3 പേര്‍ക്കു കൂടി സിക വൈറസ് സ്ഥിരീകരിച്ചു; ആകെ 51
തിരുവനന്തപുരം ∙ സംസ്ഥാനത്തു 3 പേര്‍ക്കു കൂടി സിക വൈറസ് സ്ഥിരീകരിച്ചതായി ആരോഗ്യമന്ത്രി വീണാ ജോര്‍ജ് അറിയിച്ചു. തിരുവനന്തപുരം ശ്രീകണ്‌ഠേശ്വരം സ്വദേശി (53), പാലോട് സ്വദേശിനി (21), മെഡിക്കല്‍ കോളജ് സ്വദേശിനി (30) എന്നിവര്‍ക്കാണ് രോഗം കണ്ടെത്തിയത്.
തിരുവനന്തപുരം മെഡിക്കല്‍ കോളജ് വൈറോളജി ലാബില്‍ നടത്തിയ പരിശോധനയിലാണ് സ്ഥിരീകരണം. ഇതോടെ സംസ്ഥാനത്തു വൈറസ് ബാധിച്ചവരുടെ എണ്ണം 51 ആയി. 5 പേരാണ് നിലവില്‍ രോഗികളായുള്ളത്. ഇവരാരും ഗര്‍ഭിണികളല്ല, ആശുപത്രിയില്‍ അഡ്മിറ്റുമല്ല. എല്ലാവരുടെയും ആരോഗ്യനില തൃപ്തികരമാണെന്നും മന്ത്രി അറിയിച്ചു.
