പ്രതിരോധത്തിന്റെ ആത്മവിശ്വാസം – ആർച്ച.
ചെമ്മണാർ സെന്റ് സേവ്യേഴ്സ് ഹയർ സെക്കൻഡറി സ്കൂളിൽ പോൾ ആപ്പ് പരിചയപ്പെടുത്തലും പെൺകുട്ടികൾക്കായി സ്വയം പ്രതിരോധ പരിശീലനം – ആർച്ച യും നടന്നു. പെൺകുട്ടികൾക്കെതിരെ അതിക്രമങ്ങൾ വർദ്ധിച്ചുവരുന്ന ഈ കാലത്ത് അവരെ സ്വയം പ്രതിരോധത്തിന് പര്യാപ്തമാക്കുന്ന പരിശീലന പരിപാടി ആർച്ച എൻഎസ്എസ് യൂണിറ്റിന്റെ ആഭിമുഖ്യത്തിൽ സംഘടിപ്പിച്ചു. പോലീസ് ഡിപ്പാർട്ട്മെന്റിന്റെ സഹകരണത്തോടെ സ്കൂൾ ഓഡിറ്റോറിയത്തിൽ വച്ച് നടന്ന പരിപാടിയിൽ ഇടുക്കി വനിതാ സെൽ എ എസ് ഐ ശ്രീമതി ബിന്ദു ടി ജി യുടെ നേതൃത്വത്തിൽ എസ് പി ഓ സോഫിയ കെ എസ്, സി പി ഓ മാരായ ബിന്ദു മോൾ ടി ജി, അഞ്ചു ഷാജി എന്നിവർ പ്രതിരോധ മാർഗങ്ങൾ കുട്ടികളെ പരിചയപ്പെടുത്തി.
രക്തദാനം മഹാദാനം എന്ന ആശയം മുൻനിർത്തി എൻഎസ്എസ് വോളണ്ടിയേഴ്സിനായി പോൾ ആപ്പ് DCRB എ എസ് ഐ ശ്രീ വിജയകുമാർ, സിപിഒ ശ്രീ വിജേഷ് വി വി എന്നിവർ പരിചയപ്പെടുത്തി. പരിശീലന പരിപാടികൾക്ക് സ്കൂൾ പ്രിൻസിപ്പൽ ശ്രീ ജോയി കെ ജോസ് എൻഎസ്എസ് പ്രോഗ്രാം കോ- ഓർഡിനേറ്റർ ശ്രീമതി സൗമി ജോസ് എന്നിവർ നേതൃത്വം നൽകി.
