അദ്ധ്യാപകർക്ക് സസ്പെൻസ് ഒരുക്കി എസ് എം സി അംഗങ്ങൾ

അദ്ധ്യാപകർക്ക് സസ്പെൻസ് ഒരുക്കി എസ് എം സി അംഗങ്ങൾ. അദ്ധ്യാപക ദിനത്തിൽ തേർഡ് ക്യാമ്പ് ഗവ. എൽ.പി സ്കൂളിലെത്തിയ അദ്ധ്യാപകരെ കാത്തിരുന്നത് എസ് എം സി അംഗങ്ങൾ രഹസ്യമായി ഒരുക്കിയ അനുമോദന ചടങ്ങ്. എല്ലാ മാസവും ചേരാറുള്ള എസ് എം സി യോഗം വിളിച്ചിരുന്നു. സാധാരണ ദിവസം
പോലെ സ്ക്കൂൾ അസംബ്ലിക്കായി
അദ്ധ്യാപകർ ഒരുക്കമാരംഭിച്ചപ്പോൾ കമ്മറ്റിയിലെ രക്ഷിതാക്കൾ
നേരത്തെയെത്തി അസംബ്ലി കഴിഞ്ഞപ്പോൾ അദ്ധ്യാപകർക്കായി അനുമോദന യോഗം തുടങ്ങി എല്ലാവരും ചേർന്ന് ഓരോ അദ്ധ്യാപകരേയും വിളിച്ച്
പൊന്നാട അണിയിച്ചും, ഫലകം നൽകിയും 14 അധ്യാപകരെയും സ്കൂളിൻ്റെ വികസനത്തിന് പ്രവർത്തിച്ച വാർഡ് മെമ്പർനെയും ആദരിച്ചു. യോഗം പാമ്പാടുംപാറ പഞ്ചായത്ത് മുൻ
പ്രസിഡന്റ് എസ്.മോഹനൻ ഉദ്ഘാടനം ചെയ്തു. എസ് എം സി ചെയർമാൻ എം.ജെ.ഫിലിപ്പോസ് അദ്ധ്യക്ഷത വഹിച്ചു. പ്രധാനാധ്യാപിക എൻ.ശ്രീദേവി, ബിനുമോൻ, അഞ്ജുഷ ലിനു, സന പർവിൻ, ജയ അനീഷ്, അൻസാർ.ജോമോൻ താന്നിക്കൽ എന്നിവർ സംസാരിച്ചു