ഇന്ത്യൻ ക്രിസ്ത്യൻ രക്തസാക്ഷി ദിനം ആചരിച്ചു

ചെറുപുഷ്പ മിഷൻ ലീഗ് രൂപത സമിതിയുടെ നേതൃത്വത്തിൽ ഇന്ത്യൻ ക്രിസ്ത്യൻ രക്തസാക്ഷി അനുസ്മരണം ‘ജീവധാര 2024’ ന്റെ ഇടുക്കി രൂപതാതല ആചരണം നടത്തി. അടിമാലി മോർണിംഗ് സ്റ്റാർ ആശുപത്രിയിൽ മിഷൻ ലീഗ് പ്രവർത്തകർ രക്തം ദാന ക്യാമ്പും സംഘടിപ്പിച്ചു. ഇടുക്കി രൂപത മീഡിയ കമ്മീഷൻ ഡയറക്ടർ ഫാ. ജിൻസ് കാരക്കാട്ട് ഉദ്ഘാടനം നിർവഹിച്ചു.ക്രൈസ്തവ വിശ്വാസത്തിൽ ജീവിക്കുകയും പ്രവർത്തിക്കുകയും ചെയ്തതിന്റെ ഫലമായി ഇന്ത്യയിൽ രക്തസാക്ഷിത്വം വരിക്കേണ്ടിവന്ന അനേകരെ ഓർമ്മിക്കുവാനും പ്രാർത്ഥിക്കുവാനും അവസരമായിത്തീർന്നു ഈ അനുസ്മരണം. ചുടുനിണമുതിർന്ന ഓർമ്മകളെ പങ്കുവെച്ചുകൊണ്ട് രൂപത സമിതിയുടെ നേതൃത്വത്തിൽ മിഷൻ ലീഗ്  പ്രവർത്തകർ രക്തം ദാനം ചെയ്തുകൊണ്ട് സ്നേഹത്തിന്റെയും സഹോദര്യത്തിന്റെയും വിശ്വാസത്തിന്റെയും സന്ദേശവാഹകരായി.മിഷൻ ലീഗ് രൂപത പ്രസിഡന്റ് സെസിൽ ജോസ് അദ്ധ്യക്ഷത വഹിച്ചു. രൂപത ഡയറക്ടർ ഫാ. ഫിലിപ്പ് ഐക്കര, കുഞ്ചിത്തണ്ണി മേഖല ഡയറക്ടർ ഫാ.വിൻസെന്റ് വളിപ്ലാക്കൽ, സി. സ്റ്റാർലറ്റ് സി എം സി,ജെയിംസ് തോമസ്, അനിൽ ജോസ്,ജെഫിൻ ജോജോ,അനിറ്റ ഷാജു എന്നിവർ നേതൃത്വം നൽകി.