പത്രം വായിക്കൂ ദിവസവും സമ്മാനം നേടൂ പദ്ധതിയുമായി നരിയമ്പാറ മന്നം മെമ്മോറിയൽ ഹൈസ്കൂൾ

വിദ്യാർത്ഥികളിൽ പത്രവായന പ്രോത്സാഹിപ്പിക്കാൻ സമ്മാന പദ്ധതിയുമായി നരിയമ്പാറ മന്നം മെമ്മോറിയൽ ഹൈസ്കൂൾ . സ്കൂളിലെ ലൈബ്രറി, മലയാളവിഭാഗം, വിവിധ ക്ലബുകൾ എന്നിവയുടെ സഹകരണത്തോടെയാണ് പത്രം വായിക്കൂ സമ്മാനം നേടൂ പദ്ധതി നടപ്പിലാക്കുന്നത്. എല്ലാ ദിവസവും രാവിലെ പത്തിന് പത്രവുമായി ബന്ധപ്പെട്ട 5 ചോദ്യങ്ങൾ നോട്ടീസ് ബോർഡിൽ പ്രദർശിപ്പിക്കും ഇതിൻ്റെ ഉത്തരം 2 മണിക്കുള്ളിൽ കുട്ടികൾ നിർദ്ദേശിച്ച സമ്മാന ബോക്സിൽ നിക്ഷേപിക്കണം. ഇവ പരിശോധിച്ച് എല്ലാ ഉത്തരങ്ങളും ശരിയാക്കിയ കുട്ടികളിൽ നിന്ന് നറുക്കെടുത്ത് കുട്ടികൾക്ക് എല്ലാ ദിവസവും സമ്മാനം നൽകുന്നതാണ് പത്രം വായിക്കൂ സമ്മാനം നേടൂ പദ്ധതി .സ്കൂൾ മാനേജർ ബി ഉണ്ണികൃഷ്ണൻ നായർ പദ്ധതി ഉദ്ഘാടനം ചെയ്തു. ശരിയായ ഉത്തരം നൽകിയ കുട്ടികളുടെ നറുക്കെടുപ്പിൽ വിജയിച്ചവർക്ക് സമ്മാനം നൽകി. ജോർജ് ജേക്കബ്, റ്റി.എസ് ഗിരീഷ് കുമാർ, കെ.കെ സുരേഷ്, ശിവാനി ഷിബു, അനന്യ മനോജ് എന്നിവർ നേതൃത്വം നൽകി.