Idukki വാര്‍ത്തകള്‍കേരള ന്യൂസ്പ്രധാന വാര്‍ത്തകള്‍പ്രാദേശിക വാർത്തകൾ
വാഗമൺ ചില്ല് പാലത്തിൽ രാത്രി സമയത്ത് അനധികൃതമായി കയറിയവർക്കെതിരെ നടപടി ആവശ്യപെട്ട് ഡിടിപിസി പരാതി നൽകി
ഇടുക്കി വാഗമൺ ചില്ല് പാലത്തിൽ രാത്രി സമയത്ത് അനധികൃതമായി കയറിയവർക്കെതിരെ നടപടി ആവശ്യപെട്ട് ഡിടിപിസി പരാതി നൽകി
ഞായറാഴ്ച രാത്രിയാണ് മൂന്നംഗ സംഘം വാഗമൺ അഡ്വഞ്ചർ പാർക്കിൽ അതിക്രമിച്ചു കയറിയത്. ഇന്നലെ രാവിലെ ചില്ലുപാലം വൃത്തിയാക്കാൻ എത്തിയ ജീവനക്കാരാണ് പാലത്തിൽ ചെളി പുരണ്ട് കിടക്കുന്നതും, മദ്യ കുപ്പിയും, ഗ്ലാസും കണ്ടത്. തുടർന്ന് ജീവനക്കാർ മേലുദ്യോഗസ്ഥരെ വിവരം അറിയിച്ചു. തുടർന്ന് സിസിടിവി ദൃശ്യങ്ങൾ പരിശോധിച്ചപ്പോൾ ഞായറാഴ്ച രാത്രി 9 മണിയോടെ മൂന്നംഗ സംഘം അതിക്രമിച്ചു കയറിയതായി കണ്ടെത്തുകയായിരുന്നു. ഇതോടൊപ്പം ശുചി മുറിയിലെ വാതിലും, പൈപ്പുകളും, സമീപത്തെ വ്യാപാര സ്ഥാപനത്തിന് മുന്നിൽ വെച്ചിരുന്ന കുടിവെള്ള കുപ്പികളും നശിപ്പിച്ചിട്ടുണ്ട്. ചില്ലുപാലത്തിൽ അതിക്രമിച്ചു കടന്നവരെ കണ്ടെത്താൻ വാഗമൺ പോലീസ് അന്വേഷണം ആരംഭിച്ചു.
