ജില്ലാ അണ്ടർ 16 ഫുട്ബോൾ ടൂർണമെൻ്റ്

ഇടുക്കിജില്ലാ അണ്ടർ 16 ഫുട്ബോൾ ടൂർണമെൻ്റിന് ഇരട്ടയാർ ശാന്തിഗ്രാം സ്റ്റേഡിയത്തിൽ തുടക്കമായി.
ശാന്തിഗ്രാം മെസ്സൻഞ്ചർ സിറ്റി ഫുട്ബോൾ ക്ലബ്ബിന്റെ ആഭിമുഖ്യത്തിൽ 2 ദിവസങ്ങളിലായി സംഘടിപ്പിച്ചിരിക്കുന്ന ടൂർണമെൻ്റ്, ശാന്തിഗ്രാം ഗാന്ധിജി സ്കൂൾ പിടിഎ പ്രസിഡൻ്റ് കെ.ജെ.ഷൈൻ ഉദ്ഘാടനം ചെയ്തു.
ഇടുക്കി ജില്ലയിലെ 16 വയസിൽ താഴെയുള്ള ആൺകുട്ടികൾക്കായിട്ടാണ് 2 ദിവസങ്ങളിലായി അണ്ടർ 16 സെവൻസ് ഫുട്ബോൾ ടൂർണമെൻറ് സംഘടിപ്പിച്ചിരിക്കുന്നത്.
മത്സരത്തിൽ ഹൈറേഞ്ച് ലോറേഞ്ച് മേഖലകളിൽ നിന്നുൾപ്പെടെ 32 ടീമുകളാണ് മത്സരിക്കുന്നത്.
ആദ്യ ദിനത്തിൽ 16 ടീമുകളാണ് മത്സരിക്കുന്നത്.
ശാന്തിഗ്രാം സ്പോർട്സ് അസോസിയേഷൻ സെക്രട്ടറി PS ഡോമിനിക് അധ്യക്ഷത വഹിച്ചു. മെസ്സൻഞ്ചർ സിറ്റി ഫുട്ബോൾ ക്ലബ്ബ് കോ ഓർഡിനേറ്റർ സന്തോഷ് സ്വാഗതം ആശംസിച്ചു. നാളെ വൈകിട്ട്
8 ന് സമാപന സമ്മേളനം വാർഡ് മെമ്പർ ജോസ്കുട്ടി അരീപറമ്പിൽ ഉത്ഘാടനം ചെയ്യും. വിജയാ ലൈബ്രറി പ്രസിഡന്റ്‌ ലാലച്ചൻ വെള്ളക്കട അധ്യക്ഷത വഹിക്കും. ഫുട്ബോൾ മാമാങ്കത്തിലേക്കായി കുരുന്നു പ്രതിഭകളുൾപ്പെടെ നിരവധിപ്പേരാണ് എത്തിയത്.