ഇടത് സ്ഥാനാർഥി അഡ്വ. ജോയ്സ് ജോർജിന്റെ തിരഞ്ഞെടുപ്പ് പ്രചരണാർത്ഥം ഒട്ടിച്ച പോസ്റ്ററുകൾ നശിപ്പിച്ചതായി പരാതി

ഇടത് സ്ഥാനാർഥി അഡ്വ. ജോയ്സ് ജോർജിന്റെ തിരഞ്ഞെടുപ്പ് പ്രചരണാർത്ഥം സ്ഥാപിച്ച പോസ്റ്ററുകൾ നശിപ്പിച്ചതായി പരാതി.കാഞ്ചിയാർ ലോക്കൽ കമ്മറ്റിയാണ് പരാതിയുമായി രംഗത്ത് എത്തിയിരിക്കുന്നത്. തിരഞ്ഞെടുപ്പിന്റെ ഭാഗമായി കൽത്തൊട്ടി ജങ്ഷനിൽ ഒട്ടിച്ചിരുന്ന പോസ്റ്ററുകളാണ് കഴിഞ്ഞ രാത്രിയിൽ അജ്ഞാതർ നശിപ്പിച്ചത്.ഏതാനും ദിവസങ്ങൾക്ക് മുൻപാണ് ഇടുക്കി പാർലമെന്റ് മണ്ഡലത്തിൽ മത്സരിക്കുന്ന ഇടത് സ്ഥാനാർഥി ജോയ്സ് ജോർജിന്റെ പോസ്റ്ററുകൾ ഒട്ടിച്ചത്.ഇതിന് പിന്നാലെയാണ് ഇവ നശിപ്പിച്ചതായി കണ്ടെത്തിയത്.
സംഭവത്തിൽ പോലീസിൽ പരാതി നൽകുമെന്നും പോസ്റ്ററുകൾ നശിപ്പിച്ചത് കൊണ്ട് പിന്നോട്ട് പോകില്ലെന്നും കാഞ്ചിയാർ ലോക്കൽ കമ്മറ്റി ഭാരവാഹികൾ പറഞ്ഞു
ഇന്ന് രാവിലെയാണ് പോസ്റ്ററുകൾ നശിപ്പിച്ച നിലയിൽ കണ്ടെത്തിയത്.