സ്വര്‍ണവില സര്‍വകാല റെക്കോര്‍ഡില്‍; ഗ്രാമിന് വില 5,890 രൂപ

സ്വർണവില സർവകാല റെക്കോർഡിൽ, പവന് 47,120 രൂപയിലാണ് ഇന്ന് വ്യാപാരം തുടങ്ങിയത്. 5,890 രൂപയാണ് ഒരുഗ്രാം സ്വർണത്തിൻ്റെ വില. ഡിസംബർ നാലിനാണ് സ്വർണവില 47,000 കടന്നത്. തുടർന്ന് വില കുറയുകയായിരുന്നു. ഡോളർ ദുർബലമായതിനെ തുടർന്ന് സുരക്ഷിത നിക്ഷേമെന്ന രീതിയിൽ അമേരിക്കയിലെയും യൂറോപ്പിലെയും ബാങ്കിങ് റഗുലേറ്റർമാർ സ്വർണം വാങ്ങിക്കുട്ടുന്നതാണ് പെട്ടെന്ന് വില ഉയരാൻ കാരണമായത്. ഈ സ്‌ഥിതി വരും ദിവസങ്ങളിലും തുടരുമെന്നാണ് സാമ്പത്തിക വിദഗ്‌ധർ ചൂണ്ടിക്കാട്ടുന്നത്. 5% പണിക്കൂലികൂടി കണക്കാക്കിയാൽ സംസ്ഥാനത്ത് ഒരു പവൻ സ്വർണാഭരണം വാങ്ങണമെങ്കിൽ ജിഎസ്‌ടി ഉൾപ്പെടെ അരലക്ഷത്തിലധികം രൂപ നൽകേണ്ടിവരും.